தமிழக வெற்றி கழகத்தின் தலைவர் விஜய் தன்னுடைய முதல் மாநாட்டினை கடந்த 27ஆம் தேதி வெற்றிகரமாக நடத்தி முடித்துள்ளார். இந்த மாநாட்டை முடித்த நிலையில் தற்போது தளபதி 69 படப்பிடிப்பில் கலந்து கொண்டுள்ளார். அதாவது எச். வினோத் இயக்கத்தில் நடிகர் விஜய் தற்போது தளபதி 69 திரைப்படத்தில் நடித்து வரும் நிலையில் பூஜா ஹெக்டே ஹீரோயின் ஆக நடித்து வருகிறார். இந்தப் படம் அரசியல் கலந்த விவசாய பின்னணியில் உருவாவதாக கூறப்படும் இல்லையேல் நடிகர் விஜய் போலீஸ் கதா பாத்திரத்தில் நடிக்கலாம் என்றும் கூறப்படுகிறது.

இந்நிலையில் தற்போது தளபதி 69 படத்திற்குப் பிறகு சினிமாவை விட்டு விலகுவதாக நடிகர் விஜய் அறிவித்துள்ள நிலையில் 2026 ஆம் ஆண்டு நடைபெறும் சட்டமன்ற தேர்தலில் களம் காண்கிறார். இந்நிலையில் நடிகர் விஜய் தமிழ்நாடு முழுவதும் 237 தொகுதிகளுக்கும் சுற்றுப்பயணம் மேற்கொள்ள திட்டமிட்டுள்ளதாக தகவல் வெளியாகியுள்ளது. அதன்படி டிசம்பர் 27ஆம் தேதி முதல் நடிகர் விஜய் தன்னுடைய சுற்றுப்பயணத்தை மேற்கொள்வார் என்று கூறப்படுகிறது. மேலும் முதல் கட்டமாக அவர் கோவைக்கு செல்வதாக கூறப்படுகிறது. நடிகர் விஜய் தமிழ்நாடு முழுவதும் 234 தொகுதிகளுக்கும் சுற்றுப்பயணம் மேற்கொள்ள இருப்பதாக வெளிவந்த தகவல் அவருடைய ரசிகர்கள் மற்றும் தொண்டர்கள் மத்தியில் பெரும் மகிழ்ச்சியை ஏற்படுத்தியுள்ளது.