இங்கிலாந்துக்கு எதிரான டி20 தொடரில் இந்திய அணியின் தொடர் தோல்விகளுக்குப் பிறகு, கேப்டன் சூர்யகுமார் யாதவ் மற்றும் பயிற்சியாளர் கௌதம் கம்பீர் ஆகியோர் கடுமையான விமர்சனங்களை எதிர்கொண்டுள்ளனர்.

குறிப்பாக, டி20 உலகக்கோப்பை நாயகனான சஞ்சு சாம்சனை பிளேயிங் லெவனில் சேர்க்காதது குறித்துப் பலத்த எதிர்ப்பு கிளம்பியுள்ளது. இது குறித்துப் பேசிய பயிற்சியாளர் கம்பீர், சாம்சனை நீக்குவதற்கான காரணங்கள் குறித்து அவரிடம் தெளிவாக விளக்கிவிட்டதாகவும், அது இருவருக்கும் இடையிலான தனிப்பட்ட விவாதம் என்பதால் அதை வெளிப்படுத்த முடியாது என்றும் தெரிவித்துள்ளார்.

ஒரு வீரரின் கடந்தகால பங்களிப்பை விட, தற்போதைய பார்ம் முக்கியமானது என்பதை அவர் சுட்டிக்காட்டியுள்ளார். அதேபோல், இந்திய அணியின் தொடர் தோல்விகள் குறித்துப் பேசிய கம்பீர், வெற்றிகரமான அணி அமைப்பை உருவாக்குவதே தங்களின் நோக்கம் என்று குறிப்பிட்டார்.

வைபவ் சூர்யவம்சி மற்றும் அபிஷேக் சர்மா ஆகியோரைத் தொடக்க வீரர்களாக இறக்கியது அணியின் வியூகம் என்றும், எந்த ஒரு வீரரை மட்டும் தோல்விக்குக் காரணம் என்று சொல்ல முடியாது என்றும் அவர் கூறினார்.

ஐயர்லாந்து மற்றும் இங்கிலாந்து தொடர்களில் பேட்டிங் வரிசை சரிந்து விழுந்ததை ஒப்புக்கொண்ட கம்பீர், சர்வதேச கிரிக்கெட்டில் வெற்றி பெறுவதற்குத் தேவையான சூழலுக்கு ஏற்றவாறு தங்களை மாற்றிக்கொள்வதில் அணி தவறிவிட்டது என்பதை ஏற்றுக்கொண்டுள்ளார்.