மும்பையின் மாலாடு பகுதியில் நிகழ்ந்த ஒரு கொடூரமான சாலை விபத்து, வழக்கறிஞர் பிரியங்கா சாத்ரா என்பவரின் உயிரைப் பறித்ததோடு, ஒரு ஒட்டுமொத்தக் குடும்பத்தின் சந்தோஷத்தையும் ஒரே நொடியில் சுக்குநூறாக உடைத்தெறிந்துள்ளது.

மேலும் தினசரி வாழ்க்கையின் இயல்பான ஓட்டத்தில், தனது குடும்பத்தாருடன் பயணித்துக் கொண்டிருந்தபோது எதிர்பாராதவிதமாக அரங்கேறிய இந்த விபத்து, அப்பகுதி மக்களையும் சட்டத்துறையினரையும் பெரும் துயரத்திலும் அதிர்ச்சியிலும் ஆழ்த்தியுள்ளது.

ஒரு திறமையான வழக்கறிஞராகவும், அன்பான மனைவியாகவும், பாசமிக்க தாயாகவும் திகழ்ந்த ஒரு பெண்மணியின் வாழ்க்கை இப்படி எதிர்பாராமல் முடிவுக்கு வரும் என்று யாருமே நினைத்துப் பார்க்கவில்லை. இந்தச் சோக நிகழ்வின் உச்சகட்டமாக, பிரியங்கா சாத்ராவின் இறுதிச் சடங்கின் போது சுடுகாட்டில் அரங்கேறிய காட்சிகள் காண்போர் அனைவரின் நெஞ்சையும் பிளப்பதாக அமைந்திருந்தன.

விபத்தில் படுகாயமடைந்து நடக்கக்கூட முடியாத நிலையில் சக்கர நாற்காலியில் அமர்ந்தபடி, மனைவியின் உடலுக்கு இறுதி அஞ்சலி செலுத்த வந்த அவரது கணவரின் நிலைமையைப் பார்த்து அங்கே திரண்டிருந்த அனைவரும் கண்ணீர் விட்டுப் கதறி அழுதனர்.

அதைவிடக் கொடுமையாக, தாய் இனி உயிரோடு வரமாட்டாள் என்ற உண்மை கூட அறியாமல், தாயின் உடலைப் பார்த்து அந்தச் சிறு குழந்தைகள் எழுப்பிய கதறல் சத்தம், அந்தச் சுடுகாட்டையே சோகத்தில் மூழ்கடித்தது. சாலையில் நிகழும் ஒரு சிறிய அலட்சியமும் விபத்தும் எந்த அளவிற்கு ஒரு குடும்பத்தின் நிம்மதியைக் குலைத்து, சின்னஞ்சிறு குழந்தைகளின் எதிர்காலத்தைக் கேள்விக்குறியாக்கும் என்பதற்கு இந்தத் துயரச் சம்பவமே சான்றாகும்.

இந்நிலையில் அவர் படுகாயமடைந்த கணவன் ஒருபுறம், தாயை இழந்து தவிக்கும் பிஞ்சுக் குழந்தைகள் மறுபுறம் என அந்த நிலையைப் பார்த்த அக்கம் பக்கத்தினரும் உறவினர்களும் மீள முடியாத துக்கத்தில் உறைந்து போய் உள்ளனர்.

இந்த விபத்து குறித்து வழக்குப்பதிவு செய்துள்ள காவல்துறையினர் தீவிர விசாரணை மேற்கொண்டு வரும் நிலையில், இணையத்திலும் சமூக வலைதளங்களிலும் இந்தச் சம்பவம் தொடர்பான செய்திகள் பரவி அனைவரின் மனதையும் கணக்கச் செய்துள்ளது.