மகாராஷ்டிரா மாநிலம் புனேவில் (Pune) உள்ள ஒரு மருத்துவமனையில், பிரசவத்தின்போது (Delivery) மருத்துவரின் அலட்சியத்தால், நோயாளி ஒருவர் கோமா நிலைக்குச் (Coma) சென்ற சோகமான சம்பவம் நடந்துள்ளது.

பிரசவ அறுவை சிகிச்சையின்போது, அந்தப் பெண்ணின் வயிற்றுக்குள் துண்டு (Towel) ஒன்றை மருத்துவர் தவறுதலாக வைத்துத் தையல் போட்டுவிட்டார்.

அறுவை சிகிச்சைக்குப் பிறகு, அந்தப் பெண் கடுமையான வலியில் துடித்தார். மேலும், அவரது உடல்நிலை மோசமடைந்து, இறுதியில் கோமா நிலைக்குச் சென்றார். இதையடுத்து, அந்தப் பெண்ணின் உறவினர்கள் மருத்துவமனை மீது மருத்துவ அலட்சியம் எனக் குற்றம் சாட்டிப் புகார் அளித்தனர்.

இந்த வழக்கை விசாரித்த நுகர்வோர் மன்றம், அலட்சியமாகச் செயல்பட்ட மருத்துவருக்கு கண்டனம் தெரிவித்ததுடன், அந்தப் பெண் கோமாவில் இருந்த காலத்துக்கான சிகிச்சைச் செலவு மற்றும் இழப்பீடாக மொத்தம் ரூ. 26.50 லட்சம் அபராதம் செலுத்த வேண்டும் என்று உத்தரவிட்டது.