பாலிவுட் பிரபல நடிகராக இருப்பவர் கே கே மேனன். இவர் பிளாக் பிரைடே, தீவர், சர்க்கார், குலால், ஹைதர், பேபி போன்ற படங்களில் நடித்துள்ளார். மேலும் ஓ டி டி-யில் ஸ்பெஷல் ஆப்ஸ், பார்ஸி, தி ரயில்வே மென் மற்றும் சிட்டாடல் போன்ற வெப் தொடர்களிலும் நடித்துள்ளார். இவர் சினிமாவில் நடித்து வெளியான படங்களை விட ஓடிடி -யில் வெளியான படங்கள் மூலம் மிகவும் பிரபலமானவர். இந்நிலையில் கே கே மேனன் ஓடிடி-க்கு நடிகர்கள் தான் தேவை நட்சத்திரங்கள் தேவையில்லை என்று கூறியுள்ளார்.

இது குறித்து அவர் பேசியதாவது, நான் 30 வருடங்களாக சினிமா துறையில் இருக்கிறேன். ஒரு பிளாக் பஸ்டர் படம் அல்லது வேறு விதமான படத்தில் நடிக்காமல் இருப்பது என் மதிப்பு குறைந்து விடும் என்று நான் நினைக்கவில்லை. நான் சினிமாவுக்கு வந்த 5 ஆண்டுகளில் இந்த எண்ணம் என் மனதில் இருந்திருக்கலாம். ஆனால் இப்போது திரைப்படங்களில் நடிக்கும் நட்சத்திரங்களுக்கு இணையாக ஓடிட்டியில் மூலம் எனக்கு பாராட்டு கிடைக்கின்றது. அதற்கு நடிகராக இருந்தால் போதும் நட்சத்திரமாக இருக்க தேவை இல்லை என்றார்.