தமிழ் திரையுலகின் முன்னணி நடிகர் அஜித்குமார். இவர் நடிப்பில் சமீபத்தில் வெளியான திரைப்படம் விடாமுயற்சி. இப்படம் ரசிகர்கள் மத்தியில் மிகப்பெரிய எதிர்பார்ப்பை பெற்று நேற்று முன்தினம் திரையரங்குகளில் வெளியானது. விடாமுயற்சி படத்தை மகிழ் திருமேனி இயக்கியுள்ளார். இப்படம் ரசிகர்கள் மத்தியில் நல்ல வரவேற்பை பெற்றுள்ளது. இப்படத்தை லைக்கா ப்ரொடக்ஷன்ஸ் தயாரித்துள்ளது.

இப்படத்தில் திரிஷா, அர்ஜுன், ரெஜினா, ஆரவ் ஆகியோர் முக்கிய கதாபாத்திரத்தில் நடித்துள்ளனர். இப்படத்திற்கு அனிருத் ரவிச்சந்திரன் இசையமைத்துள்ளார் மற்றும் நிரவ்ஷா, ஓம் பிரகாஷ் ஆகியோர் ஒளிப்பதிவும் செய்துள்ளனர். என்.பி. ஸ்ரீகாந்த் படத்தொகுப்பு செய்துள்ளார். இப்படத்தை பாராட்டி விக்னேஷ் சிவன், வெங்கட் பிரபு, ஐஸ்வர்யா ராஜேஷ் ஆகியோர் தங்கள் கருத்துக்களை தெரிவித்துள்ளனர்.

விடாமுயற்சி வெளியான முதல் நாளில் ரூபாய் 34 கோடி வசூல் செய்துள்ளது. இப்படம் கடந்த இரண்டு நாட்களில் உலக அளவில் ரூபாய் 72 கோடி வசூல் செய்துள்ளதாக தகவல்கள் வெளியாகி உள்ளன. இனி வரும் நாட்கள் விடுமுறை தினம் என்பதால் படத்தின் வசூல் அதிகரிக்கும் என படக் குழு எதிர்பார்க்கிறது.