ஒரு சின்னப் பையன், தனது IT துறையில் பணிபுரியும் பெற்றோரின் வீட்டில் இருந்து வேலை செய்யும் பழக்கத்தை அப்படியே அச்சு அசல் நகல் எடுத்து நடித்த வீடியோ இணையத்தில் பெரும் பரபரப்பை ஏற்படுத்தி வருகிறது. இன்ஸ்டாகிராமில் விஹான் தேஷ்முக் என்ற பயனரால் பகிரப்பட்ட இந்த வீடியோவில், அந்தக் குழந்தை ஒரு டாய் லேப்டாப்பை வைத்துக்கொண்டு, ஹெட்செட் அணிந்து, கார்ப்பரேட் வேலைவாசியின் அன்றாட அமர்க்களத்தை அப்படியே பிரதிபலிக்கிறான்.
“நான் ஆடிபிளா இருக்கேனா?”, “என் ஸ்கிரீனை ஷேர் பண்றேன்”, “புரொடக்ஷன் இஷ்யூ பாக்குறேன், கொஞ்சம் டைம் ஆகும், ருக் ருக் ருக்” என IT ஜார்கான்களை அவன் அழகாக உச்சரிக்கும் விதம் பார்ப்பவர்களை சிரிக்க வைக்கிறது. “ஹலோ லக்ஷ், காபி எடுத்துட்டு வந்துடுறேன், என் மூளை வேலை செய்ய மாட்டேங்குது” என்று சொல்லும் இடத்தில் பலரும் தங்களைப் பார்ப்பது போல் உணர்ந்தனர்.
View this post on Instagram
இந்த குறுகிய வீடியோ ஒரு மில்லியனுக்கும் மேல் பார்வைகளைப் பெற்று, 60,000-க்கும் மேற்பட்ட லைக்குகளையும், 900-க்கும் மேற்பட்ட கமெண்ட்டுகளையும் திரட்டியுள்ளது. “IT கூட்டத்தின் சிறந்த மிமிக்ரி கலைஞன்” என நெட்டிசன்கள் இந்தக் குழந்தையின் இயல்பான நடிப்பை பாராட்டுகின்றனர்.
“ரிக்ரூட்டர்கள் 10 வருஷ அனுபவம் வேணும்னு கேட்கும்போது” என ஒருவர் நகைச்சுவையாக கமெண்ட் செய்தார். “காபி எடுத்துட்டு வரேன், மூளை வேலை செய்யல” என்ற வரி பலரது ஃபேவரைட்டாக மாறியது. பாண்டமிக் காலத்திற்குப் பின் வீட்டிலிருந்து வேலை செய்வது IT துறையில் புதிய இயல்பாக மாறிய நிலையில், இந்தக் குழந்தையின் விளையாட்டுத்தனமான நடிப்பு, முடிவில்லா மீட்டிங்குகள், டெக்னிக்கல் கோளாறுகள், காபி இடைவேளைகள் என அனைத்தையும் பிரதிபலித்து, அனைவரையும் சிரிக்க வைத்து இதயங்களை வென்றுள்ளது.
