திருப்பூர் மாவட்டம் அவிநாசி அருகேயுள்ள கைகாட்டிப்புதூர் பகுதியைச் சேர்ந்த ரிதன்யா (27), கடந்த ஜூன் 28ஆம் தேதி, தன் கணவர் மற்றும் மாமனாரின் தொடர்ந்து வரதட்சணைக்காக கடுமையான பீடனத்தால் அவதிப்பட்டு, பூச்சிமருந்து குடித்து தற்கொலை செய்துக் கொண்டார். அவர் தற்கொலைக்குமுன் தந்தைக்கு அனுப்பிய வாட்ஸ்அப் ஆடியோவில், கணவர் கவின்குமார், மாமனார் ஈஸ்வரமூர்த்தி மற்றும் மாமியார் சித்ராதேவி ஆகியோர் தன்னை உடலளவிலும், மனஅளவிலும் சித்ரவதை செய்ததாக வெளிப்படையாக கூறியிருந்தது.

இதையடுத்து, ரிதன்யாவின் பெற்றோர் அளித்த புகாரின் பேரில், மூவரும் திருப்பூர் மாவட்ட போலீசால் கைது செய்யப்பட்டு, கிளைச் சிறையில் அடைக்கப்பட்டனர். தற்போது, இந்த வழக்கில், இருவரும் ஜாமீன் கோரிய நிலையில், திருப்பூர் முதன்மை அமர்வு நீதிமன்றத்தில் மனு தாக்கல் செய்தனர். ஆனால், ரிதன்யாவின் பெற்றோர் தரப்பில், குற்றவாளிகளுக்கு ஜாமீன் வழங்கினால் விசாரணைக்கு தடையாக அமையும் எனவும், உண்மையை மறைக்கும் சாத்தியம் உள்ளதாகவும் வலியுறுத்தப்பட்டது.

இந்த ஆணையை பரிசீலித்த நீதிமன்றம், வழக்கின் நம்பகத்தன்மை மற்றும் விசாரணையின் முக்கியத்துவத்தை கருத்தில் கொண்டு, ரிதன்யாவின் கணவர் கவின்குமார், மாமனார் ஈஸ்வரமூர்த்தி, மாமியார் சித்ராதேவி ஆகிய மூவருக்கும் பிணை வழங்க முடியாது எனத் தள்ளுபடி செய்து தீர்ப்பளித்தது