தஞ்சாவூரில் நேற்று (ஆகஸ்ட் 3) திமுக சார்பில் விவசாயிகளுக்கு ஆதரவாகப் போராட்டம் ஒன்று நடைபெற்றது. இந்த ஆர்ப்பாட்டத்தில் பங்கேற்றுப் பேசிய எதிர்க்கட்சித் தலைவர் உதயநிதி ஸ்டாலின், பிரபல நடிகை த்ரிஷா குறித்து மிகவும் சர்ச்சைக்குரிய வகையில் இரட்டை அர்த்தத்தில் பேசியதாகப் புகார்கள் எழுந்துள்ளன.

​பொதுமேடையில் ஒரு பெண் மற்றும் நடிகை குறித்து இத்தகைய வார்த்தைகளைப் பயன்படுத்திப் பேசியது அரசியல் வட்டாரத்திலும், சோஷியல் மீடியாவிலும் பெரும் அதிர்வலைகளையும் எதிர்ப்புகளையும் உருவாக்கியுள்ளது. இந்தச் சம்பவத்தைக் கண்டித்து, தமிழக வெற்றிக் கழகத்தின் (தவெக) சார்பில் காவல் நிலையத்தில் அதிகாரப்பூர்வமாகப் புகார் அளிக்கப்பட்டது.

​தவெக அளித்த இந்தப் புகாரின் அடிப்படையில், எதிர்க்கட்சித் தலைவர் உதயநிதி ஸ்டாலின் மீது 6 பிரிவுகளின் கீழ் காவல்துறை வழக்குப்பதிவு செய்து அதிரடி நடவடிக்கையில் இறங்கியது. வழக்குப்பதிவு செய்யப்பட்டதைத் தொடர்ந்து, காவல்துறையினர் விசாரணைக்காகச் தீவிர நடவடிக்கை எடுத்தனர்.

​இதனடிப்படையில், சென்னை நீலாங்கரையில் உள்ள அவரது இல்லத்திற்குச் சென்ற காவல்துறையினர், உதயநிதி ஸ்டாலினை விசாரணைக்காக நேரில் அழைத்துச் சென்றுள்ளனர். உதயநிதி ஸ்டாலின் விசாரணைக்கு அழைத்துச் செல்லப்பட்ட இந்தச் சம்பவம், தற்போது தமிழக அரசியலில் பெரும் பரப்பரப்பையும் அதிர்ச்சியையும் ஏற்படுத்தியுள்ளது.