தமிழ் சினிமாவில் பிரபலமான காமெடி நடிகர்களில் ஒருவர்தான் நடிகர் வடிவேலு. இவரின் நடிப்பில் இறுதியாக வெளியான நாய் சேகர் திரைப்படம் ரசிகர்கள் மத்தியில் நல்ல வரவேற்பை பெற்றது. இவருக்கென தனி ஒரு ரசிகர் பட்டாளமே உள்ளது. இந்நிலையில் நடிகர் வடிவேலுவின் தாயார் வைத்தீஸ்வரி என்கின்ற பாப்பா உடல் நலக்குறைவால் நேற்று இரவு காலமானார். இவருக்கு வயது 87. வயது முதிர்வு மற்றும் உடல் நலக்குறைவு ஆகிய காரணங்களால் மதுரை வீரகனூரில் உள்ள அவரது இல்லத்தில் வைத்தீஸ்வரி காலமானார். அவரின் மறைவுக்கு திரை பிரபலங்கள் உள்ளிட்ட பலரும் இரங்கல் தெரிவித்து வருகின்றனர்.