தமிழ் சினிமாவில் ‘பசங்க’, ‘களவாணி’ உள்ளிட்ட பல வெற்றிப் படங்களின் மூலம் ரசிகர்களின் மனதைக் கவர்ந்த பிரபல நடிகர் விமல், தற்போது தன் சொந்த ஊரில் காய்கறி வியாபாரத்தில் இறங்கியுள்ள செய்தி திரைத்துறையிலும் ரசிகர்கள் மத்தியிலும் பெரும் ஆச்சரியத்தையும் நெகிழ்ச்சியையும் ஏற்படுத்தியுள்ளது.

திரையில் ஜொலிக்கும் நட்சத்திரங்கள் பலரும் ஓய்வு நேரங்களில் ஆடம்பரப் பொழுதுபோக்குகளில் ஈடுபடும் சூழலில், நடிகர் விமல் தனது சொந்த மண்ணில் எளிமையான மனிதராக மாறி, காய்கறிச் சந்தையில் மக்களோடு மக்களாக நின்று காய்கறிகளை வியாபாரம் செய்து வருகிறார்.

தன் சொந்த ஊருக்குச் சென்றிருந்த நடிகர் விமல், அங்கிருக்கும் காய்கறிச் சந்தையில் தானே களத்தில் இறங்கி காய்கறிகளைத் தரம் பிரித்து, விற்பனை செய்யும் காட்சிகளும் புகைப்படங்களும் சமூக வலைதளங்களில் வெளியாகித் தீயாய் பரவி வருகின்றன. இதைப் பார்த்த அப்பகுதி மக்களும் வியாபாரிகளும் ஆச்சரியத்தில் மூழ்கியுள்ளனர்.

எவ்வித பந்தாவும் தலைக்கணமும் இல்லாமல், தனது பாரம்பரிய வேர்களை மறக்காமல் ஒரு சாதாரண மனிதனாக அவர் செய்யும் இந்த எளிமையான செயல், அவரது எளிமைப் பண்பை வெளிப்படுத்துவதாகப் பலராலும் பாராட்டப்பட்டு வருகிறது.

இந்நிலையில் சினிமாவில் எத்தனையோ உயரங்களைத் தொட்டாலும், தான் வந்த வழியையும் சொந்த ஊரையும் மறக்காமல் மக்களோடு இணைந்து வாழும் விமலின் இந்த நடவடிக்கை, ரசிகர்களின் இதயங்களை வெகுவாக வென்றுள்ளது.

“தொழிலில் எந்தத் தொழிலும் தாழ்வில்லை” என்பதைத் தனது செயலின் மூலம் நிரூபித்துள்ள நடிகர் விமலின் இந்தப் புகைப்படங்களும் வீடியோக்களும் இணையத்தில் வைரலாகி வருவதோடு, திரைத்துறை உலகிலும் அவரது இந்த மண்ண சார்ந்த எளிமையான குணம் பெரும் வரவேற்பைப் பெற்று வருகிறது.