பீகாரின் பகுதியில் உள்ள கஸ்தூரிபா காந்தி பள்ளியின் வார்டன்  மரணம் தற்கொலை அல்ல, மாறாக அது திட்டமிடப்பட்ட படுகொலை என்பது ஐந்தாண்டுகளுக்குப் பிறகு நடத்தப்பட்ட தீவிர விசாரணையில் தற்போது அம்பலமாகியுள்ளது. கடந்த 2021-ஆம் ஆண்டு ஏப்ரல் மாதம் நிகழ்ந்த இந்தச் சம்பவம் ஆரம்பத்தில் காவல்துறையினரால் தற்கொலை என முடிக்கப்பட்டிருந்தாலும், தனது தாயின் மரணத்தில் உள்ள மர்மத்தை வெளிக்கொண்டு வர வேண்டும் என்று அவரது மூன்று மகள்கள் மேற்கொண்ட தொடர் சட்டப் போராட்டமே இந்த வழக்கிற்கு முக்கியத் திருப்புமுனையாக அமைந்தது.

மகள்களின் தொடர் தொடர்முயற்சியால் இந்த வழக்கை மீண்டும் விசாரிக்கக் கோரி நீதிமன்றத்தை நாடியபோது, உயர்நீதிமன்றத்தின் அதிரடி உத்தரவைத் தொடர்ந்து மாகத் மண்டல ஐஜி விகாஸ் வைபவ் மேற்பார்வையில் தனிப்படை (SIT) அமைக்கப்பட்டு மறுவிசாரணை முடுக்கிவிடப்பட்டது. இந்த மறுஆய்வின் போது தடயவியல் துறை அறிக்கைகள் மற்றும் மருத்துவக் குறிப்புகளை வைத்து ஆராய்ந்ததில், வார்டன் முதலில் கழுத்து நெரித்துக் கொல்லப்பட்டு, பின்னர் அது தற்கொலை போலக் காட்டுவதற்காக உடலைத் தொங்கவிட்டுள்ளனர் என்ற உண்மைகள் வெளிச்சத்திற்கு வந்தன.

இந்தக் கொடூரக் கொலைக்கான பின்னணியில் நிலம் வாங்குவதற்காகக் கொடுக்கப்பட்ட 15 லட்சம் ரூபாய் பணத் தகராறு இருந்தது விசாரணையில் தெரியவந்துள்ளது. வார்டன் பணத்தைத் திரும்பக் கேட்டதால் கோபமடைந்த கௌசல் குமார் என்பவர், பள்ளிப் பாதுகாவலர் அஜீத் குமார் பப்லு என்பவருடன் கூட்டு சேர்ந்து இந்தத் திட்டத்தைத் தீட்டியுள்ளதுடன், குற்றச் சம்பவத்தின் போது பள்ளியின் சிசிடிவி கேமராக்களும் வேண்டுமென்றே அணைத்து வைக்கப்பட்டுள்ளது கண்டறியப்பட்டு தற்போது இரு முக்கியக் குற்றவாளிகளும் கைது செய்யப்பட்டுள்ளனர்.