கடந்த ஜூன் 22 அன்று தமிழக முதல்வர் ஜோசப் விஜய் அவர்களின் பிறந்தநாளை முன்னிட்டு, தமிழகத்தில் உள்ள பல்வேறு பள்ளி மற்றும் கல்லூரிகளில் தவெக (TVK) கட்சியினரால் பிறந்தநாள் கொண்டாட்டங்கள் நடத்தப்பட்டதாகக் கூறப்படும் விவகாரம் தற்போது நீதிமன்ற படியேறியுள்ளது. இதுதொடர்பாக சென்னை மாநகராட்சி திமுக கவுன்சிலரும், வழக்கறிஞருமான கவிகணேசன் சென்னை உயர்நீதிமன்றத்தில் பொதுநல வழக்கு ஒன்றைத் தொடர்ந்துள்ளார். இந்த வழக்கை இன்று விசாரித்த உயர்நீதிமன்றம், இந்தச் சம்பவம் குறித்து தமிழக அரசு உடனடியாக விரிவான பதிலளிக்க வேண்டும் என அதிரடியாக ஆணை பிறப்பித்துள்ளது.

​கவிகணேசன் தனது மனுவில், பள்ளி மற்றும் கல்லூரி வளாகங்கள் அரசியல் நோக்கங்களுக்காகவும், தனிநபர் புகழ்ச்சிக்காகவும் பயன்படுத்தப்படுவதைத் தடுக்க வேண்டும் என்றும், கல்வி நிறுவனங்களின் நடுநிலைமை பாதுகாக்கப்பட வேண்டும் என்றும் குறிப்பிட்டுள்ளார். மேலும், ஜூன் 22 அன்று மாணவர்களைக் கடுமையான வெயிலில் அமர வைத்து அரசியல் முழக்கங்களை எழுப்பச் செய்ததாகவும், சில இடங்களில் கட்சித் துண்டுகளை அணிவித்து முதல்வர் விஜய்யின் புகைப்படங்களை ஏந்தச் செய்ததாகவும் வீடியோ ஆதாரங்களுடன் குற்றம் சாட்டப்பட்டுள்ளது.