நேற்றைய தினம் செய்தியாளர்கள் சந்திப்பின் போது, திருமாவளவனுக்கு ‘நோபல் பரிசே கொடுக்கலாம்’ என்று வைகோ காரசாரமாக விமர்சித்திருந்தது பெரும் பரபரப்பை ஏற்படுத்தியிருந்தது. இந்த நிலையில், இன்று தனது பேச்சை முற்றிலுமாக மாற்றிக்கொண்டுள்ள வைகோ, திருமாவளவன் உண்மையில் ஒரு நல்ல தலைவர் என்றும், ஒட்டுமொத்த தமிழ்நாட்டிற்கும் நல்லது செய்பவர் என்றும் பாராட்டிப் பேசியுள்ளார்.
மேலும், தான் நேற்று பேசிய சொற்கள் திருமாவளவன் அவர்களுக்கு ஏதேனும் வருத்தத்தைக் கொடுத்திருந்தால், அந்த வார்த்தைகளைத் தான் உடனடியாகத் திரும்பப் பெற்றுக்கொள்வதாகவும் வைகோ அறிவித்துள்ளார். தான் எப்போதும் திருமாவளவனுக்குத் தன்னால் இயன்ற அளவுக்குப் பக்கபலமாக இருந்திருப்பதாகவும், எதிர்காலத்திலும் அதேபோலவே தொடருவேன் என்றும் அவர் உருக்கமாகத் தெரிவித்துள்ளார். வைகோவின் இந்தத் திடீர் சமரசப் பேச்சு, நேற்று வெடித்த அரசியல் மோதலைக் தற்காலிகமாகத் தணிக்கச் செய்து, கூட்டணி வட்டாரத்தில் நிம்மதியை ஏற்படுத்தியுள்ளது.
