திமுக நாடாளுமன்ற உறுப்பினர் ஆ. ராசாவின் அண்மைக்காலச் சமூக ஊடகப் பதிவு அரசியல் வட்டாரத்தில் பெரும் விவாதத்தைக் கிளப்பியுள்ள நிலையில், ஆளுங்கூட்டணியில் அங்கம் வகிக்கும் விடுதலைச் சிறுத்தைகள் கட்சியின் (விசிக) மாநிலப் பொருளாளர் எஸ்.எஸ். பாலாஜி அதற்கு எதிராகப் பகிரங்கமாகக் கடுமையான விமர்சனங்களை முன்வைத்துள்ளார்.

எம்பி ஆ. ராசாவின் எக்ஸ் (ட்விட்டர்) பதிவை மறுபதிவு (Re-tweet) செய்து விசிக பொருளாளர் வெளியிட்டுள்ள அறிக்கையில், ஆ. ராசாவின் கருத்துக்கள் ஆரோக்கியமானதாக இருந்திருந்தால் இந்த அளவிற்குப் போராட்டங்களும் ஆர்ப்பாட்டங்களும் வெடித்திருக்காது என்றும், வன்மம் நிறைந்த வார்த்தைகளால் மட்டுமே இந்த விபரீத விளைவு ஏற்பட்டுள்ளது என்றும் சாடியுள்ளார்.

மேலும், செய்ய வேண்டிய தவறுகள் அனைத்தையும் செய்துவிட்டு தற்போது ஜனநாயகம் பேசுவது எந்த வகையில் நியாயம் என்று கேள்வி எழுப்பியுள்ள அவர், தவறை உணர்ந்து மனம் திருந்தி வருந்தினால் மட்டுமே பேரறிஞர் அண்ணாவின் புகழ்பெற்ற முழக்கமான “மறப்போம் மன்னிப்போம்” என்பதை நாம் அவசியம் கடைப்பிடிக்க முடியும் என்று மறைமுகமாக எம்பி ஆ. ராசாவை எச்சரித்துள்ளார்.

“>

 

திமுக எம்பியின் கருத்துக்கு எதிராகக் கூட்டணிக் கட்சியான விசிகவின் முக்கியப் பொறுப்பில் உள்ளவரே தார்மீகக் கோபத்துடன் வன்மம் மற்றும் சனநாயகம் குறித்துப் பேசியிருப்பது தற்போதைய அரசியல் களத்தில் பெரும் பரபரப்பை ஏற்படுத்தியுள்ளது.