திமுகவில் கட்சி நிர்வாகிகளை மாற்றியமைக்கும் பணிகளைத் துரிதப்படுத்தியுள்ள தலைவர் ஸ்டாலின், புதிய பாணியிலான விசாரணை முறையை அறிவித்துள்ளார். அதன்படி, ஒரு சிறப்பு விசாரணைக் குழு அமைக்கப்பட்டு, அவர்கள் இணையதளம் வழியாகத் தொண்டர்கள் மற்றும் பொதுமக்களிடம் இருந்து கருத்துக்களைப் பெற உள்ளனர். “யாருடைய செயல்பாட்டில் குறைபாடு இருக்கிறது, எங்கு மாற்றம் தேவை என்பதை மக்கள் சொல்லட்டும்” என ஸ்டாலின் திட்டவட்டமாகத் தெரிவித்துள்ளார்.
இந்த ஆலோசனைகளை அடிப்படையாக வைத்து, கட்சி அமைப்பில் யாரும் எதிர்பார்க்காத மிகப்பெரிய மாற்றத்தைச் செய்ய உள்ளதாக ஸ்டாலின் கூறியுள்ளார். “இந்த முறை மாற்றங்கள் என்பது பெயரளவில் இருக்காது, அடிமட்ட அளவில் இருந்து அனைத்தும் மாற்றியமைக்கப்படும்” என அவர் மேடையிலேயே அறிவித்தது, பல ஆண்டுகளாகப் பதவியில் இருக்கும் முக்கிய நிர்வாகிகளுக்குக் கவலையை ஏற்படுத்தியுள்ளது.
