தமிழக முதலமைச்சர் சி. ஜோசப் விஜய் அவர்களின் பதவியேற்பு விழா சென்னை நேரு உள்விளையாட்டு அரங்கில் கோலாகலமாக நடைபெற்றது. இந்த விழாவில் பங்கேற்க ஆயிரக்கணக்கான தொண்டர்கள் மற்றும் பொதுமக்கள் திரண்டதால், அந்தப் பகுதி முழுவதும் கடும் போக்குவரத்து நெரிசல் ஏற்பட்டது. பல முக்கியப் பிரமுகர்களின் கார்கள் வரிசையில் நின்றிருந்த வேளையில், தவெக எம்.எல்.ஏ ஜே.சி.டி பிரபாகர் அவர்கள் செய்த செயல் அனைவரையும் வியப்பில் ஆழ்த்தியுள்ளது.
விழாவிற்குச் சரியான நேரத்திற்குச் செல்ல வேண்டும் என்பதால், கார் வரும் வரை காத்திருக்காமல், அங்கு நின்றிருந்த தனது தொண்டர் ஒருவரின் இருசக்கர வாகனத்திலேயே ஏறி அமர்ந்து விழா இடத்திற்குப் புறப்பட்டார். ஒரு மக்கள் பிரதிநிதியாக இருந்தும், எந்தவித பந்தாவும் இன்றிச் சாதாரண தொண்டருடன் ஸ்கூட்டரில் பறந்த அவரது எளிமை அங்கிருந்தவர்களை நெகிழ்ச்சியடையச் செய்தது. இந்த வீடியோ மற்றும் புகைப்படங்கள் தற்போது சமூக வலைதளங்களில் “இவர்தான் உண்மையான மக்கள் தொண்டர்” என்ற வாசகத்துடன் காட்டுத்தீயாய் பரவி வருகிறது.
