கோவை மாவட்டம் மேட்டுப்பாளையத்தில் நடைபெற்ற தனியார் நகைக்கடை திறப்பு விழாவில் பங்கேற்ற நடிகை ஐஸ்வர்யா ராஜேஷ், தமிழக அரசியல் மற்றும் சினிமா குறித்த தனது பார்வைகளைப் பகிர்ந்து கொண்டார்.

செய்தியாளர்களிடம் பேசிய அவர், அரசியலுக்கு யார் வேண்டுமானாலும் வரலாம் என்பதில் எவ்விதத் தடையும் இல்லை என்றும், ஆனால் மக்களுக்குச் சேவை செய்து நல்லது செய்வதுதான் மிக முக்கியம் என்றும் குறிப்பிட்டார். நடிகர் விஜய்யை தமக்கு மிகவும் பிடிக்கும் என்று தெரிவித்த அவர், அதேசமயம் விஜய் கட்சிப் பிரச்சாரத்திற்காக அழைத்தால் அதில் பங்கேற்க வாய்ப்பில்லை எனத் திட்டவட்டமாகக் கூறினார்.

மேலும், தமிழ் திரையுலகின் இருபெரும் ஜாம்பவான்களான ரஜினி மற்றும் கமல் நீண்ட இடைவெளிக்குப் பிறகு மீண்டும் இணைந்து நடிக்கும் திரைப்படம் குறித்து ஒட்டுமொத்தத் திரையுலகமே மிகுந்த எதிர்பார்ப்புடன் உள்ளதாகத் தெரிவித்த அவர், நகைச்சுவையாகத் தனது திருமணம் குறித்த கேள்விகளுக்கும் பதிலளித்து ரசிகர்களை உற்சாகப்படுத்தினார்.