பிரபல நடிகர் விஜய் ஆண்டனி நடிப்பில் பெரும் எதிர்பார்ப்பை ஏற்படுத்தியிருந்த ‘ஜனநாயகன்’ திரைப்படம், திட்டமிட்டபடி வெளியாகாமல் தள்ளிப்போயிருப்பது ரசிகர்களிடையே பெரும் ஏமாற்றத்தை ஏற்படுத்தியுள்ளது. படத்தின் வெளியீட்டு தேதி தள்ளிவைக்கப்பட்ட அதிகாரப்பூர்வ அறிவிப்பு வெளியானதைத் தொடர்ந்து, சமூக வலைதளங்களில் இது குறித்த விவாதங்கள் சூடுபிடித்துள்ளன.
இந்நிலையில் குறிப்பாக, படத்தின் தலைப்புக்கும் தற்போதைய சூழலுக்கும் ஏற்ப ரசிகர்கள் தங்களது ஆதங்கத்தை நகைச்சுவையாக வெளிப்படுத்தி வருகின்றனர். திரைப்படத்தின் ரிலீஸ் தாமதத்தை வைத்து இணையதளங்களில் விதவிதமான மீம்ஸ்கள் வைரலாகி வருகின்றன.
மேலும் “வெந்த புண்ணுல வேல் பாயுற மாதிரி இருக்கே” என்பது போன்ற சினிமா வசனங்களை மேற்கோள் காட்டி, ரசிகர்கள் தங்கள் ஏமாற்றத்தை வெளிப்படுத்தி வருகின்றனர். “பிஎம் சார் வீட்லதான் இருப்பேன்” போன்ற காமெடி காட்சிகளை இணைத்து, படத்தின் ரிலீஸுக்காக காத்திருக்கும் ரசிகர்களின் மனநிலையை மீம்ஸ் கிரியேட்டர்கள் கிண்டலாக பதிவிட்டு வருகின்றனர். இந்த மீம்ஸ்கள் தற்போது கோலிவுட் வட்டாரத்தில் பேசுபொருளாக மாறியுள்ளன.
