இன்ஸ்டாகிராமில் வெளியான ஒரு காணொளி சிவகாசியின் பட்டாசு தொழிலின் வரலாற்றை சுவாரசியமாக எடுத்துரைக்கிறது. 1923-ம் ஆண்டு, வறண்ட பூமியாக இருந்த சிவகாசியில் மக்களுக்கு வேலைவாய்ப்பு தேவை என்று நினைத்த ஐயன் நாடார் குடும்பத்தினர், கல்கத்தாவிற்கு சென்று தீப்பெட்டி செய்யும் முறையைக் கற்று வந்தனர். ஊர் திரும்பிய பிறகு, அவர்கள் முதலில் தீப்பெட்டி தயாரிக்கத் தொடங்கினர். இந்த முயற்சி சிவகாசியில் தொழில் வளர்ச்சிக்கு அடித்தளமாக அமைந்தது. இந்தக் காணொளி, சிவகாசியின் பட்டாசு தொழிலின் தொடக்கத்தை எளிமையாக விளக்கி, பலரை ஈர்த்து வைரலாகி வருகிறது.
பின்னர், ஐயன் நாடார் குடும்பம் இரண்டாகப் பிரிந்து, புதிய தொழில் யோசனையாக பட்டாசு தயாரிப்பைக் கற்று, ஐயன் குரூப்ஸ் என்ற பெயரில் பட்டாசு உற்பத்தியைத் தொடங்கினர். இதுவே சிவகாசியை பட்டாசு தொழிலின் மையமாக மாற்றியது. இன்று, சிவகாசியில் ஆயிரம் பட்டாசு தொழிற்சாலைகள், ஐந்தாயிரம் கடைகள் மற்றும் அச்சகங்கள் உள்ளன. இந்த ஆண்டுடன் சிவகாசியில் பட்டாசு தொழில் தொடங்கி 102 ஆண்டுகள் ஆகின்றன. நாடு முழுவதும் 90% பட்டாசுகள் சிவகாசியில் இருந்து விநியோகிக்கப்படுவதாக அந்தக் காணொளியில் குறிப்பிடப்பட்டுள்ளது. இந்த வரலாற்று பயணம் மக்களுக்கு உத்வேகம் அளிப்பதால், இந்தக் காணொளி சமூக வலைதளங்களில் பரவலாகப் பகிரப்பட்டு வைரலாகி வருகிறது.
