ஓடிசா மாநிலம் சம்பல்பூரில், ஞாயிற்றுக்கிழமை இரவு நடந்த அதிர்ச்சிகரமான சம்பவத்தில், 7 சிறுவர்கள் ஒரே ஸ்கூட்டியில் ஏறி ஹெல்மெட் இல்லாமல் ஆபத்தான முறையில் சாலையில் ஸ்டண்ட் செய்த வீடியோ சமூக வலைதளங்களில் வைரலானது.

சம்பவம் தனுபலி காவல் நிலைய எல்லைக்குட்பட்ட பகுதியில் நடைபெற்றுள்ளது. இந்த செயல் போக்குவரத்து விதிகளை முற்றாக மீறும் வகையில் இருந்தது. இந்த காட்சியை ஒரு வழிப்போக்கர் வீடியோவாக பதிவு செய்ததை அடுத்து, குறித்த வீடியோ சமூக ஊடகங்களில் வேகமாகப் பரவி, அதிகாரிகளின் கவனத்திற்குப் போனது.

வீடியோவை அடுத்து சிசிடிவி காட்சிகள் மூலம் விசாரணை நடத்திய போலீசார், குறித்த ஸ்கூட்டரைத் தலைமுறையிலான அதிகாரிகளுடன் கண்டுபிடித்து, அதைப் பயன்படுத்திய சிறுவனையும் கைது செய்தனர். ஸ்கூட்டர் பறிமுதல் செய்யப்பட்டு காவல் நிலையத்திற்கு கொண்டு செல்லப்பட்டது.

அதன் உரிமையாளரான சிறுவனின் பெற்றோருக்கு மோட்டார் வாகனச் சட்டத்தின் பல பிரிவுகளின் கீழ் வழக்குபதிவு செய்யப்பட்டது.  மேலும் 21,500 ரூபாய் அபராதம் விதிக்கப்பட்டது. இதனைக் தொடர்ந்து சிறுவர்களின் பெற்றோர் காவல் நிலையத்திற்கு வரவழைக்கப்பட்டு கடுமையான எச்சரிக்கையும் வழங்கப்பட்டது.

இனி இதுபோன்ற ஆபத்தான செயல்கள் திரும்பச் செய்யப்படுமானால், கடுமையான சட்ட நடவடிக்கை எடுக்கப்படும் என்றும் போலீசார் உறுதியாக தெரிவித்துள்ளனர். இந்த சம்பவம், வீதிகளில் பாதுகாப்பை மீறுவதால் ஏற்படும் பிரச்சனைகளை மீண்டும் ஒருமுறை வலியுறுத்துகிறது.