தமிழ்நாட்டில் மருத்துவக் கல்வி தரம் மேலும் உயர்ந்து வருவதைக் குறிக்கும் வகையில், மாநில அரசு முக்கிய அறிவிப்பொன்றை வெளியிட்டுள்ளது. மாநிலத்தின் 13 அரசு மருத்துவக் கல்லூரிகள் மற்றும் சென்னை கிண்டியில் உள்ள கலைஞர் நூற்றாண்டு பல்நோக்கு மருத்துவமனையில், முதுநிலை (PG) மருத்துவ படிப்புகளுக்கான இடங்கள் 488 ஆக அதிகரிக்கப்படுவதாக தமிழ்நாடு அரசு புதிய அரசாணையை வெளியிட்டுள்ளது.

இந்த புதிய அறிவிப்பின் மூலம், அடுத்த கல்வியாண்டு முதல் கூடுதல் PG இடங்கள் நடைமுறைக்கு வரும் என அரசாணையில் தெரிவிக்கப்பட்டுள்ளது. மருத்துவக் கல்வியில் ஆர்வமுள்ள மாணவர்களுக்கு இது ஒரு பெரிய வாய்ப்பு எனக் கருதப்படுகிறது. மருத்துவ துறையில் மேலும் நிபுணர்களை உருவாக்குவதற்கான அரசு முயற்சிக்கு இது முக்கியமான முன்னேற்றம் எனும் வகையில் மருத்துவமனை மற்றும் கல்வி வட்டாரங்களில் இது வரவேற்பைப் பெற்றுள்ளது.