உத்தரபிரதேச மாநிலம் பல்ராம்பூர் மாவட்டத்தில் உள்ள பரதௌலிய என்ற பகுதியில் நடந்த ஒரு அதிர்ச்சி சம்பவம் தற்போது சமூக ஊடகங்களில் பெரும் பரபரப்பை ஏற்படுத்தியுள்ளது. தெற்கு நாகமணி ஆசிரமம் அருகே 20 அடி நீளமுள்ள ஒரு பைதான் பாம்பு ஒரு பெரிய வெள்ளாட்டை முழுதாக விழுங்கும் வீடியோ இணையத்தில் வைரலாகியுள்ளது.

இந்த வீடியோவில், அந்த அரிய காட்சியை மக்கள் நேரில் பார்த்த அதிர்ச்சியில் அவர்கள் கைபேசியில் பதிவு செய்து வெளியிட்டுள்ளனர். பைதான் பாம்பு வெள்ளாட்டை விழுங்கும் காட்சியைப் பார்த்த மக்கள் முதலில் பயந்தாலும், பின்னர் அது பாம்பின் இயற்கை உணவுப் பழக்கமாக இருப்பதை உணர்ந்தனர்.

https://x.com/menirbhay93/status/1939719856435405218?t=Vag96x4g30jMTj9iScwkNg&s=19

எனினும், பாம்பு வெள்ளாட்டை முழுமையாக விழுங்கிய சில நிமிடங்களில், தனது வயிற்றில் சிரமம் ஏற்பட்டதுபோல், அதை மீண்டும் உமிழ்ந்து, அருகில் இருந்த ஓர் இருளான குழிக்குள் மறைந்து விட்டது. இது போன்ற விசித்திரமான நிகழ்வை நேரில் பார்த்த கிராம மக்கள் மிகவும் அதிர்ச்சி மற்றும் ஆச்சரியத்தில் மூழ்கினர்.

இந்த வகையான பெரிய பாம்பு உயிரினங்களை விழுங்குவது மிகவும் அபூர்வமான காட்சியாக கருதப்படுகிறது. ஆனால் விழுங்கிய பிறகு மீண்டும் அதை வெளியே தள்ளுவது மிகவும் அரிது. இந்நிலையில், பல்ராம்பூர் மாவட்டத்தில் நடந்த இந்த சம்பவம், அப்பகுதி மக்களிடையே விலங்குகளின் இயற்கை நடத்தைகள் பற்றி விவாதங்களை உருவாக்கியுள்ளது.

சமூக வலைதளங்களில் தற்போது இந்த வீடியோ பலர் பக்கம் பகிரப்பட்டு வருகின்றது. “இது போன்ற காட்சிகளை நேரில் பார்க்க வாய்ப்பு கிடைத்தது அதிசயம்” எனக் கூறும் நெட்டிசன்கள், பாம்புகளின் இயற்கை வாழ்க்கையைப் பற்றி மேலும் விழிப்புணர்வு ஏற்படுத்த வேண்டும் எனக் கோரிக்கை விடுத்துள்ளனர்.