முகநூல் மற்றும் இன்ஸ்டாகிராம் போன்ற சமூக ஊடகங்களில், போலியான முதலீட்டு வாய்ப்புகள் மூலம் மக்களை ஏமாற்றும் சம்பவங்கள் அதிகரித்துள்ளன. இதனையடுத்து, இந்த ஆண்டு மார்ச் மாதத்தில் மட்டும் இந்தியா மற்றும் பிரேசிலில், மொத்தம் 23,000-க்கும் மேற்பட்ட சமூக ஊடக கணக்குகளை மெட்டா நிறுவனம் நீக்கியுள்ளது. இக்கணக்குகள், பொதுமக்களிடம் முதலீட்டுக்கான திடீர் வாய்ப்புகள் என்று கூறி, அவர்கள் பணத்தை ஏமாற்றும் நோக்கத்தில் செயல்பட்டன.

மெட்டா வெளியிட்டுள்ள தகவலின்படி, சில மோசடிக்காரர்கள் பிரபல பொருளாதார ஆலோசகர்கள், கிரிக்கெட் வீரர்கள் போன்றோரைப் போல களவாடிய முகநூல் பக்கங்களை உருவாக்குகின்றனர். இதில், கிரிப்டோகரன்சி, பங்கு சந்தை முதலீடுகள் மற்றும் விலையுயர்ந்த பொருட்கள் போன்றவற்றில் முதலீடு செய்தால் அதிக லாபம் கிடைக்கும் என மக்களை நம்பச் செய்கிறார்கள். பலரும் நம்பிக்கையுடன் முதலீடு செய்த பின்பு, அந்த சமூக ஊடக கணக்குகள் திடீரென இயங்காது போகும் நிலை ஏற்படுகிறது.

இதுபோன்ற மோசடிக்காரர்களை கண்டறிய மெட்டா செயற்கை நுண்ணறிவு தொழில்நுட்பங்களை பயன்படுத்தி வருகிறது. மேலும், மக்கள் அதிக லாபம் என்ற வாக்குறுதிகளை நம்பாமல், எந்த முதலீட்டையும் செய்வதற்கு முன் சரிபார்ப்பு செய்ய வேண்டும் என மெட்டா எச்சரிக்கையும் விடுத்துள்ளது. சமூக ஊடகங்களை பயன்படுத்தும் அனைவரும் விழிப்புடன் இருக்க வேண்டிய அவசியம் என்று கூறியுள்ளது.