இந்திய நடிகையான ரெஜினா தமிழ், தெலுங்கு, கன்னடம் ஆகிய மொழிகளில் பல படங்களில் நடிகையாக நடித்துள்ளார். இவர் தமிழ் திரையுலகில் கண்ட நாள் முதல், அழகிய அசுரா, கேடி பில்லா கில்லாடி ரங்கா, மாநகரம் ஆகிய படங்களில் நடித்துள்ளார். சமீபத்தில் விடாமுயற்சி படத்தில் நடிகை ரெஜினா நடித்து முடித்துள்ளார். இந்த நிலையில் பேட்டி ஒன்றில் பேசிய நடிகை ரெஜினாவிடம் மதமாற்றம் குறித்து கேள்வி கேட்கப்பட்டது.

இதற்கு விளக்கம் அளித்த ரெஜினா கூறியதாவது, எனது தந்தை இஸ்லாமியர், தாய் கிறிஸ்தவ மதத்தவர். இருவருமே காதலித்து திருமணம் செய்து கொண்டதால் நான் பிறப்பிலிருந்து இஸ்லாமியராக வளர்க்கப்பட்டேன். பின்னர் பெற்றோர் விவாகரத்து செய்து கொண்டனர். இந்த நிலையில் தாயுடன் வளர்ந்ததால் கிறிஸ்தவராக மாறினேன். பின்னர் முறைப்படி கிறிஸ்தவ தேவாலயத்தில் ஞானஸ்தானம் பெற்றுக்கொண்டேன் என தெரிவித்தார்.