திருப்பதி ஏழுமலையான் கோவில் லட்டு பிரசாதத்தில் கலப்படம் செய்யப்பட்ட நெய் பயன்படுத்தப்பட்டுள்ளதாக அடுத்தடுத்த பரிசோதனைகளில் உறுதி செய்யப்பட்டுள்ளது. இந்த விவகாரம் வெளியானதும், தேவஸ்தானம் அதற்கான கடுமையான நடவடிக்கைகளை மேற்கொண்டுள்ளது. இதில் முக்கியமாக, கடந்த ஜூலை மாதம் கொள்முதல் செய்யப்பட்ட நெய்யில் பன்றி இறைச்சி கொழுப்பு, மீன் எண்ணெய் மற்றும் பல்வேறு கலப்படங்கள் கண்டறியப்பட்டுள்ளன.

இந்த பிரச்சனைக்கு தீர்வு காண, திருப்பதி தேவஸ்தானம் நவீன ஆய்வகங்களை அமைக்க நடவடிக்கை எடுத்துள்ளது. குஜராத்தில் உள்ள தேசிய பால்வள மேம்பாட்டு வாரியத்தில் பரிசோதிக்கப்பட்ட நெய் கலப்படம் செய்யப்பட்டதன் பின், ரூ.75 லட்சம் மதிப்பில் அந் தேவஸ்தானம் உபகரணங்களை வாங்கி, சொந்தமாக ஆய்வகம் அமைப்பதற்கு முடிவு செய்துள்ளது.

மேலும், பக்தர்களுக்கு தரமான பிரசாதம் வழங்க, தேவஸ்தானம் நிபுணர்கள் குழுவை அமைத்துள்ளது. இனி அனைத்து பிரசாதங்களும் தரமான நெய் மற்றும் பொருட்களைக் கொண்டு தயாரிக்கப்படும் என்றும், இது பக்தர்களின் நம்பிக்கையை வலுப்படுத்தும் என்றும் திருப்பதி தேவஸ்தான முதன்மை செயல் அலுவலர் சியாமளா ராவ் தெரிவித்துள்ளார்.