மத்தியப் பிரதேசத்தின் புர்ஹான்பூர் நகரத்தில் பக்ரீத் பண்டிகையை முன்னிட்டு பலியிடப்படும் ஆடுகள் சந்தையில் விற்கப்படுகின்றன. அக்பரி சராய் பகுதியில் வசிக்கும் ஷாஹித் கான் என்ற நபர் கொண்டுவந்த ஒரு சிறப்பு இன ஆடு, நகரமே பேசும் அளவுக்கு பிரபலமடைந்துள்ளது.

அந்த ஆட்டுடன் புகைப்படம் எடுக்க நூற்றுக்கணக்கான மக்கள் தினமும் வருவதால், அந்த பகுதி பரபரப்பாக காணப்படுகிறது.

இந்த ஆடு ‘பாரி ஹைதராபாத்’ இனத்தைச் சேர்ந்தது. உயரம், வலிமை மற்றும் அழகில் தனித்தன்மை உடையது. ஆட்டின் வயது தற்போது இரண்டு ஆண்டுகள். சிறுவயதிலிருந்தே மகனைப் போல வளர்த்ததாக அதன் உரிமையாளர் ஷாஹித் கூறுகிறார்.

இதுவரை ரூ.95,000 வரை வாங்க விரும்பியவர்கள் இருந்தாலும், அவர் “ஒன்றரை லட்ச ரூபாய்க்கு கீழ் நான் விற்க மாட்டேன்” எனத் தெரிவித்துள்ளார். இதுவே மக்கள் மத்தியில் அந்த ஆட்டின் மதிப்பை மேலும் உயர்த்தியுள்ளது.

அதிக விலையிலும் வெளியூர் ஆட்கள் வாங்க விரும்பினாலும், ஷாஹித் அந்த ஆட்டை புர்ஹான்பூர் நகரத்திலேயே விற்க விரும்புகிறார். “இது நம் நகரத்தின் பெருமை, இது புர்ஹான்பூருக்கே சேரவேண்டும்” என்பதே அவரது எண்ணம்.

அந்த ஆட்டுடன் செல்ஃபி எடுக்கும் வீடியோக்கள் சமூக ஊடகங்களில் வைரலாகி வருகின்றன. பக்ரீத் பண்டிகைக்கு முன்னதாக, இந்த ஆடு நகர மக்களுக்குள் பேசப்படும் தலைப்பாக மாறியுள்ளது.