தமிழக வெற்றிக் கழகத் தலைவர் விஜய் மீது அவரது மனைவி சங்கீதா விவாகரத்து கோரி செங்கல்பட்டு நீதிமன்றத்தில் மனு தாக்கல் செய்துள்ள செய்தி, தமிழக அரசியலில் பெரும் அதிர்வலைகளை ஏற்படுத்தியுள்ளது. விஜய் ஒரு பிரபல நடிகையுடன் திருமணத்தை மீறிய உறவில் இருந்ததாகவும், அதனால் ஏற்பட்ட மன உளைச்சல் காரணமாகவே இந்த முடிவை எடுத்ததாகவும் சங்கீதா அந்த மனுவில் குறிப்பிட்டிருந்தார். சட்டமன்றத் தேர்தல் நெருங்கும் வேளையில், விஜய்யின் நற்பெயருக்குக் களங்கம் விளைவிக்கத் திட்டமிட்டு இந்தத் தகவல்கள் கசியவிடப்படுவதாகத் தவெக ஆதரவாளர்கள் குற்றம் சாட்டி வந்தனர்.
இந்நிலையில், சென்னை திருவான்மியூரில் இன்று நடைபெற்ற தயாரிப்பாளர் கல்பாத்தி சுரேஷ் இல்லத் திருமண விழாவில், நடிகர் விஜய் நடிகை த்ரிஷாவுடன் ஒரே காரில் வந்து இறங்கியது ஒரு மிகப்பெரிய திருப்புமுனையாகக் கருதப்படுகிறது. இருவரும் ஒரே நிறத்தில் பட்டு ஆடைகள் அணிந்து ஜோடியாக மேடைக்குச் சென்று மணமக்களை வாழ்த்தினர். தன் மீதான விமர்சனங்களைப் பற்றிக் கவலைப்படாமல் விஜய் மேற்கொண்ட இந்த வெளிப்படையான நகர்வு, அவரது ஆதரவாளர்களிடையே ஒருவித உத்வேகத்தை அளித்துள்ளது. இந்தச் சம்பவம் விஜய்யின் தனிப்பட்ட வாழ்க்கையில் மட்டுமல்லாது, அவரது அரசியல் பயணத்திலும் ஒரு முக்கியமான மைல்கல்லாகப் பார்க்கப்படுகிறது.
