சாலைகளில் சுதந்திரமாகச் சுற்றித் திரியும் காளைகள், மக்கள் வாழ்க்கைக்கு நாளுக்கு நாள் அபாயமாக மாறி வருகிறது. சமீபத்தில் இணையத்தில் வைரலாகி வரும் ஒரு சிசிடிவி வீடியோ, அச்சத்தை ஏற்படுத்தியுள்ளது.
வீடியோவில், தொலைபேசியில் பேசிக் கொண்டிருந்த ஒருவரை, பின்புறம் இருந்து வந்த ஒரு காளை திடீரென கொம்புகளால் தூக்கி கீழே வீசும் அதிர்ச்சிகரமான காட்சி பதிவாகியுள்ளது.
இந்த சம்பவம் ஒரு சந்தையில் உள்ள கடையின் அருகே நடந்ததாக தெரிகிறது. வீடியோவில், ஒருவர் கடைக்கு வெளியே தொலைபேசியில் பேசிக் கொண்டிருக்கிறார்.
View this post on Instagram
அந்த நேரத்தில் ஒரு காளை, யாரும் எதிர்பாராத விதமாக பின்புறம் வந்து, அந்த நபரை திடீரென முட்டி தூக்கி வீசியது. தாக்குதலின் அதிர்ச்சி காரணமாக, அந்த நபர் தரையில் பயங்கரமாக விழுகிறார். பின்னர், திகைத்து எழுந்து நேராக கடைக்குள் ஓடிச் செல்கிறார்.
அருகில் இருந்த மக்கள் இந்தக் காட்சியைக் கண்டு பதற்றத்தில் அங்கும் இங்கும் ஓடினர். காளையின் இந்த தாக்குதலைப் பார்த்தவர்கள், “தெருவில் நின்று பேசினால்கூட நமக்குப் பாதுகாப்பு இல்லையா?” என்று கவலை தெரிவிக்கின்றனர்.
இந்த வீடியோ தற்போது சமூக ஊடகங்களில் வைரலாகி வருகிறது. காளைகள் சுற்றித் திரியும் சூழ்நிலை குறித்து மக்களிடையே அச்சத்தை ஏற்படுத்தியுள்ளது.
