அரசு அதிகாரிகள் மற்றும் அரசு வழக்கறிஞர்களுக்கு எதிராக பொய்யான புகார்கள் அளிப்பதை தடுக்க, அதுபோன்ற புகார்கள் அளித்தவர்கள் மீது கடுமையான நடவடிக்கை எடுக்க மதுரை உயர்நீதிமன்ற கிளை உத்தரவிட்டுள்ளது.
மாநகர காவல் ஆணையர் அலுவலகத்துக்கு அனுப்பப்பட்ட பல புகார்களில், அரசு வழக்கறிஞர்களின் பெயர்கள் தவறாக பயன்படுத்தப்பட்டுள்ளன என அரசு தரப்பில் நீதிமன்றத்தில் தெரிவிக்கப்பட்டது.
சில புகார்கள் நீதிபதிகளுக்கு நேரடியாக அனுப்பப்பட்டுள்ளன என்றும், அவற்றில் உண்மையற்ற குற்றச்சாட்டுகள் பதிவு செய்யப்பட்டுள்ளன என்றும் குற்றம் சாட்டப்பட்டது. இது நீதித்துறை பணிகளில் தடையையும், நம்பிக்கையையும் பாதிக்கக்கூடியது எனக் கூறப்பட்டது.
இந்த நிலையில், மேலூர் பகுதியைச் சேர்ந்த வழக்கறிஞர் அமலன் தாக்கல் செய்த மனுவை விசாரித்த நீதிபதிகள், இந்த வகையான புகார்களுக்குப் பின்னால் யார் இருக்கிறார்கள் என்பதை கண்டறிந்து, அவர்களிடம் இருந்து உரிய விளக்கம் பெற வேண்டும் என மதுரை மாநகர காவல்துறை ஆணையாளருக்கு உத்தரவு பிறப்பித்தனர்.
