மராத்தி மற்றும் ஹிந்தி திரையுலகில் தனது தனித்துவமான நடிப்பால் பெரும் ரசிகர் வரவேற்பை பெற்ற மூத்த நடிகர் டாக்டர் விலாஸ் உஜ்வானே காலமானார். இது திரை கலை உலகில் பெரும் அதிர்ச்சியை ஏற்படுத்தியுள்ளது. இந்நிலையில்  ‘சார் திவஸ் சாஸுசே’, ‘தாமினி’, ‘வாதல்வாட்’ போன்ற புகழ்பெற்ற தொலைக்காட்சி தொடர்களில் தனது நடிப்பால் ரசிகர்கள் மனதில் இடம் பிடித்திருந்த அவர், ஏப்ரல் 4, 2025 அன்று மிரா ரோட்டிலுள்ள தனியார் மருத்துவமனையில் சிகிச்சைக்கு அனுமதிக்கப்பட்டிருந்த நிலையில் தற்போது  உயிரிழந்தார். அவருக்கு வயது 62. கடந்த சில ஆண்டுகளாக ப்ரெயின் ஸ்ட்ரோக் மற்றும் இதய சம்பந்தமான பிரச்சனைகளால் பாதிக்கப்பட்டிருந்த அவர், தொடர்ந்து சிகிச்சை பெற்று வந்த நிலையில், இந்த துயர சம்பவம் நடைபெற்றது.

சீரியல்கள்  மட்டுமல்லாது, படங்களிலும்  தமது இயல்பான நடிப்பால் ரசிகர்களின் மனதில் நீங்கா இடத்தை ஏற்படுத்திய டாக்டர் உஜ்வானே, நேர்மறையான கதாபாத்திரங்கள் மட்டும் இல்லாமல், பல்வேறு வில்லன் கதாபாத்திரங்களிலும் கலக்கியவர். கடந்த காலங்களில் ஏற்பட்ட ஆடம்பர செலவுகளால் அவர் கடுமையான பொருளாதார சிக்கல்களை சந்தித்ததையும், 2022ஆம் ஆண்டு அவரது நண்பர்கள் சமூக ஊடகங்களில் அவருக்காக நிதி சேகரிப்பு முயற்சி செய்ததையும் குறிப்பிட வேண்டியதுதான். அவர் தனது இனிய நட்பு மனப்பான்மையாலும், திறமையான பங்களிப்பாலும் ரசிகர்களிடையே ஒரு தங்க நினைவாகவே இருப்பார். பலர் சமூக வலைதளங்களில் அவருக்கான அஞ்சலிகளை பதிவு செய்து வருகிறார்கள்.