விவசாயிகளுக்கு வழங்கப்படும் இலவச வண்டல் மண் எடுக்கும் திட்டத்தின் கீழ் இதுவரை 1,40,260 பயனாளிகள் பயன்பெற்றுள்ளதாக அமைச்சர் பிரபு சட்டப்பேரவையில் தெரிவித்துள்ளார். பேரவையில் வண்டல் மண் பயன்பாடு மற்றும் அதன் பாதுகாப்பு குறித்து எழப்பப்பட்ட கேள்விகளுக்குப் பதிலளித்துப் பேசிய அமைச்சர், இத்திட்டத்தின் சாதனைகளையும் முறைகேடுகளைத் தடுப்பதற்கான நடவடிக்கைகளையும் விரிவாக விளக்கினார்.
சட்டப்பேரவையில் கேள்வி எழுப்பிய உறுப்பினர் ஒருவர், “வண்டல் மண் என்ன பாகிஸ்தானுக்கா போகிறது?” என்று வேடிக்கையாகக் கேட்டதற்குப் பதிலளித்த அமைச்சர் பிரபு, “வண்டல் மண் விவசாயிகளுக்கு மட்டுமே போய்ச்சேர வேண்டும் என்பதில் அரசு மிகவும் தெளிவாக இருக்கிறது. அது பாகிஸ்தானுக்கு மட்டுமல்ல, பக்கத்து ஊருக்குக் கூட திருடிப் போக விடமாட்டோம்” என்று நகைச்சுவையாகவும் அதேநேரத்தில் காரசாரமாகவும் பதிலளித்தார்.
மேலும் தொடர்ந்து பேசிய அமைச்சர், விவசாயி என்ற போர்வையில் சட்டவிரோதமாக மணலை அதிகளவில் அள்ள நினைக்கும் நபர்களை அரசு ஒருபோதும் சகித்துக் கொள்ளாது என்று எச்சரித்தார். போலி பெயர்களில் வண்டல் மணலைக் கடத்த முயலும் நபர்கள் யாராக இருந்தாலும் அவர்கள் மீது மிகக் கடுமையான சட்ட நடவடிக்கை பாயும் என்றும் அவர் உறுதியளித்தார்.
உண்மையான விவசாயிகளுக்கு மட்டுமே இந்த இலவச வண்டல் மண் திட்டம் முழுமையாகச் சென்று சேர்வதை அரசு தொடர்ந்து கண்காணித்து வருகிறது என்றும் அமைச்சர் பிரபு உறுதிபடக் கூறினார். அமைச்சரின் இந்த அதிரடி மற்றும் தெளிவான பதிலடிச் செய்தி சட்டப்பேரவையில் பெரும் கவனத்தைப் பெற்றது.
