மகாராஷ்டிராவில் பார்ப்போரின் நெஞ்சை பதறவைக்கும் ஒரு கொடூரமான சம்பவம் நிகழ்ந்துள்ளது. விளையாடிக் கொண்டிருந்த மூன்று வயது சிறுவன் ஒருவனை, தெருநாய் ஒன்று மிகக் கொடூரமாகக் கடித்துக் குதறியுள்ளது.

மேலும் அந்த நாயின் கோரத் தாக்குதலில் இருந்து சிறுவனை மீட்பதற்குள், அவனது உடலின் பல இடங்களில் நாய் சதையைக் கடித்துக் குதறியது. குறிப்பாக, அச்சிறுவனின் முகத்தில் மிகக் கடுமையான காயங்கள் ஏற்பட்டுள்ளன. இச்சம்பவத்தைத் தொடர்ந்து, படுகாயமடைந்த சிறுவன் உடனடியாக அருகில் உள்ள மருத்துவமனைக்குக் கொண்டு செல்லப்பட்டு அவசரப் பிரிவில் அனுமதிக்கப்பட்டான்.

இதனால் அங்கு அவனுக்கு தீவிர சிகிச்சை அளிக்கப்பட்ட நிலையில், அவனது முகத்தில் ஏற்பட்ட ஆழமான காயங்களைச் சரிசெய்வதற்காக மருத்துவர்கள் சுமார் 55 தையல்கள் வரை போட்டுள்ளனர். தற்போது அச்சிறுவன் மருத்துவர்களின் தீவிரக் கண்காணிப்பில் சிகிச்சை பெற்று வருகிறான். இச்சம்பவம் அப்பகுதி மக்களிடையே பெரும் அதிர்ச்சியையும், தெருநாய்கள் குறித்த அச்சத்தையும் ஏற்படுத்தியுள்ளது.