ராணிப்பேட்டை மாவட்டத்தில் மேலாபுரம் பகுதியைச் சேர்ந்த வினோத்குமார், ரேபிடோவில் கார் டிரைவராக வேலை செய்து வந்தார். கடந்த 22ம் தேதி நள்ளிரவில் ஒரு பெண் செங்குன்றம் செல்ல வேண்டும் என்று கூறிய பெண், வினோத்குமாரை கார் புக்கிங் செய்தார். அங்கிருந்து இரண்டு ஆண்களை காரில் ஏற்றிக் கொண்டு மாதவரம் சென்றபோது, அந்த இரண்டு பேர் திடீரென வினோத்குமாரை தாக்கி, அவரிடம் இருந்த 2700 ரூபாயை பறித்து தப்பிவிட்டனர்.

இச்சம்பவம் குறித்து எம்கேபி நகர் போலீசில் புகார் அளித்த வினோத்குமாரின் தகவலின் அடிப்படையில் விசாரணை துவங்கியது. சம்பந்தப்பட்ட செல்போன் எண்ணை தொடர்புகொள்ள முயன்ற போலீசார், அது ஆப் நிலையில் இருப்பதை கவனித்தனர். கார் புக்கிங் செய்யப்பட்டது என கூறிய இடத்திற்கும் சென்ற போலீசார், அந்த வீட்டில் அந்த நபர்கள் இல்லாததை அறிந்தனர். இதனால் அந்த பகுதியில் உள்ள சிசிடிவி பதிவுகளை ஆய்வு செய்த போலீசார், சந்தேக நபர்கள் மணலி பகுதியில் இருப்பதை கண்டறிந்தனர்.

இந்த நிலையில் மணலி துர்கை அவென்யூ பகுதியில் சென்ற போலீசார், சம்பந்தப்பட்ட வீட்டுக்குள் நுழைந்தபோது 24 வயது ராஜியுடன் அவரது மனைவி பிரவீனா (22) இருந்தார். அப்போது போலீசாரை கண்டதும் ஆவேசமாக கிச்சனில் இருந்த காஸ் சிலிண்டரை திறந்து, லைட்டரை எடுத்து, அவர்களை மிரட்டிய ராஜி, “என்னை கைது செய்தால் உங்களையெல்லாம் தீவைத்து கொன்று விடுவேன்” என அதிர்ச்சி அளித்தார். இதனால் திகைத்த போலீசார், சிறிது நேரம் போராடி அவரை கட்டுப்படுத்தி லைட்டரை கையிலிருந்து எடுத்தனர்.

இதைத் தொடர்ந்து ராஜி கிச்சனில் இருந்த கத்தியை எடுத்து, தன்னைத்தானே காயப்படுத்த முயன்றார். இருந்தாலும் போலீசார் அவரை தடுக்க முயன்றனர். ஒருவழியாக போராடி ராஜ், பிரவீனாவை போலீசார் கைது செய்தனர். விசாரணையின் போது ராஜி கொலை மற்றும் கொலை முயற்சி உள்ளிட்ட 18 குற்றச்செயல்களில் ஈடுபட்ட சரித்திர பதிவேடு ரவுடி என்பது உறுதியானது. இதை தொடர்ந்து, ராஜி தன்னுடைய மனைவி பிரவீனாவின் உதவியுடன், கார் புக்கிங் செய்து, மக்களை ஏமாற்றி திருட்டில் ஈடுபட்டு வந்தது தெரிந்தது. தலைமறைவாக உள்ள ராஜியின் நண்பரான மணலி ராஜியை போலீசார் தேடி வருகின்றனர். இதனால், இச்சம்பவம் ராணிப்பேட்டையில் பரபரப்பை ஏற்படுத்தியுள்ளது.