அணு ஆயுத திட்டம் தொடர்பான பேச்சுவார்த்தைக்கு ஈரான் சம்மதிக்காவிட்டால், தாக்குதல் நடத்துவோம் என அமெரிக்க ஜனாதிபதி டொனால்ட் டிரம்ப் எச்சரிக்கை விடுத்தார். அதற்கு பதில் அளிக்கும் விதமாக ஈரான் தனது நிலத்தடியில் அமைந்துள்ள ரகசிய மிசைல் குடியிருப்புகளில் உள்ள எல்லா ஏவுகணைகளைவும் ஏவத்தக்க நிலையில் தயாராக்கியுள்ளதாக பிரபல செய்தி நிறுவனங்கள் தெரிவித்துள்ளன.

“அவர்கள் ஒப்பந்தம் செய்யவில்லை என்றால், இதுவரை பார்த்ததே இல்லாத அளவுக்கு குண்டுவீச்சு இருக்கும்” என டிரம்ப் பிரபல சேனலுக்கு அளித்த நேரலை பேட்டியில் கூறியுள்ளார். இதற்கு பதிலளித்த ஈரானிய அதிகாரிகள், எந்தவொரு நேரடி தாக்குதலுக்கும் கடுமையாக எதிர்வினை தருவோம் எனத் தெரிவித்துள்ளனர். கடந்த 2015-ம் ஆண்டு கையெழுத்திடப்பட்ட அணு ஒப்பந்தத்திலிருந்து டிரம்ப் 2018-ல் விலகியதையடுத்து, மீண்டும் ஈரானிடம் புதிய ஒப்பந்தத்தைக் கட்டாயமாக்கும் முயற்சியில் ஈடுபட்டு வருகின்றார்.

மேலும், அமெரிக்கா கடந்த காலங்களில் ஈரானுக்கு எதிராக யேமனில் ஹூத்தி பயங்கரவாத அமைப்புகள் மீது குண்டுவீசியுள்ளது; அதற்கு பதிலாக ஈரான் இஸ்ரேலை மிசைல்கள், ட்ரோன்கள் மூலம் தாக்கியுள்ளது. இதனால் மத்திய கிழக்கு பகுதியில் புதிய பெரும் போர் ஏற்படும் அபாயம் நிலவுகிறது. “ஈரானின் இறையாண்மையை மீறும் எந்த ஒரு நடவடிக்கையும் வெடிகுண்டுப் பெட்டியில் தீப்பொறியாக அமையும்” என ஈரானின் பாராளுமன்ற தலைவர் கெளலிபாப் எச்சரித்துள்ளார்.