சின்னத்திரையில் பல ஆண்டுகளாகத் தனது வசீகர நடிப்பாலும், எதார்த்தமான வெளிப்பாட்டாலும் பல லட்சம் ரசிகர்களின் மனங்களை வென்றவர் நடிகர் சஞ்சீவ். முன்னணித் தொலைக்காட்சியில் வெற்றிகரமாக ஓடிக்கொண்டிருக்கும் ‘கயல்’ தொடரில் எழில் என்ற முதன்மை வேடத்தில் நடித்து வந்த அவர், திடீரென அந்த சீரியலில் இருந்து வெளியேறிய செய்தி சின்னத்திரை வட்டாரத்தில் பெரும் அதிர்வலைகளை ஏற்படுத்தியது.

மேலும் தொடரின் நாயகனாகத் தனது முத்திரையைப் பதித்து, இல்லத்தரசிகளின் பேராதரவைப் பெற்ற சஞ்சீவ், இந்தத் தொடரில் இருந்து விலகியதற்கான காரணங்கள் ஒருபுறம் விவாதிக்கப்பட்டு வந்தாலும், அவர் இந்தச் சீரியலுக்காகப் பெற்ற சம்பளம் குறித்த தகவல்கள் தற்போது வெளியாகி ரசிகர்களை வியப்பில் ஆழ்த்தியுள்ளன.

தமிழ் சின்னத்திரையில் அதிக டி.ஆர்பி புள்ளிகளைப் பெற்று முதலிடத்தில் வலம் வரும் ‘கயல்’ சீரியலின் வெற்றிக்குச் சஞ்சீவின் பங்களிப்பும் ஒரு முக்கியக் காரணமாக அமைந்தது. இந்நிலையில், இந்தத் தொடரில் நடிப்பதற்காக அவருக்கு ஒரு நாளைக்கு ரூ.20,000 முதல் ரூ.25,000 வரை சம்பளமாக வழங்கப்பட்டதாகத் நம்பத்தகுந்த வட்டாரங்கள் தெரிவிக்கின்றன.

சின்னத்திரையில் முன்னணி கதாநாயகனாக இருக்கும் ஒரு நடிகருக்குக் கொடுக்கப்படும் இந்தத் தொகை, தொடரின் பிரம்மாண்டத்திற்கும் அவரது பிரபலத்திற்கும் ஏற்ற வகையில் அமைந்திருந்ததாகவே தொழில்துறையினர் கருதுகின்றனர்.

எது எப்படியோ, சஞ்சீவ் கயல் சீரியலில் இருந்து விலகியது அவரது ரசிகர்களுக்குப் பெரும் ஏமாற்றத்தை அளித்திருந்தாலும், அவர் அடுத்து என்ன செய்யப்போகிறார், எந்தப் புதிய திட்டத்தில் இணையப்போகிறார் என்ற எதிர்பார்ப்பு அனைவரிடமும் அதிகரித்துள்ளது.

பல வெற்றிகரமான சீரியல்கள் மற்றும் திரைப்படங்களில் நடித்துத் தன் திறமையை நிரூபித்துள்ள சஞ்சீவ், விரைவில் ஒரு புதிய பிரம்மாண்டமான கதைக் களத்தின் மூலம் ரசிகர்களைச் சந்திப்பார் என்று எதிர்பார்க்கப்படுகிறது. இந்தச் சம்பள விவரம் மற்றும் அவரது வெளியேற்றம் தொடர்பான செய்திகள் தற்போது சமூக வலைத்தளங்களில் வைரலாகி, ரசிகர்களிடையே தொடர்ந்து விவாதிக்கப்பட்டு வருகிறது.