தமிழ் சினிமாவின் ‘திரைக்கதை மன்னன்’ என்று போற்றப்படும் மூத்த இயக்குநரும் நடிகருமான கே. பாக்கியராஜ் (73), சனிக்கிழமை அதிகாலை ஏற்பட்ட திடீர் மாரடைப்பு காரணமாகச் சென்னையில் உள்ள மருத்துவமனையில் காலமானார் என்ற அதிர்ச்சிச் செய்தி ஒட்டுமொத்தத் திரையுலகையும் நிலைகுலைக்கச் செய்துள்ளது.

சில நாட்களுக்கு முன்புதான் நடிகை குஷ்புவின் மகள் திருமணத்திற்காகக் கோவா சென்றுவிட்டுத் திரும்பிய பாக்கியராஜ், இன்று காலை வழக்கம்போல வாக்கிங் சென்று வந்த பிறகு திடீரென நெஞ்சு வலிப்பதாகக்கூறவே, அவர் உடனடியாக மருத்துவமனைக்குக் கொண்டு செல்லப்பட்டும் மருத்துவர்கள் ஏற்கனவே இறந்து விட்டதாக தெரிவித்தனர்.

அவரது குருநாதர் பாரதிராஜா மறைந்த சில நாட்களிலேயே பாக்கியராஜும் மறைந்திருப்பது பேரதிர்ச்சியை ஏற்படுத்தியுள்ள சூழலில், “அவர் கோவா கல்யாணத்துல அவ்வளவு சந்தோஷமா எங்ககூட இருந்தாரு, அதுக்குள்ள இப்படி நடக்கும்னு நம்பவே முடியல” என்று நடிகை சுஹாசினி கண்ணீர் மல்கக் கூறியுள்ளார்.

நடிகைகள் சிம்ரன், குஷ்பு, நடிகர்கள் ராகவா லாரன்ஸ், ஹரிஷ் கல்யாண், சிபி சத்யராஜ் உள்ளிட்ட பல பிரபலங்களும் தங்களது ஆழ்ந்த இரங்கலைத்தெரிவித்து வருவதால் இணையமே சோகமயமாகக் காட்சியளிக்கிறது.