மும்பை சென்ட்ரல் ரயில் நிலையத்தில் வியாழக்கிழமை காலை நடந்த அதிர்ச்சிகரமான சம்பவத்தில், 27 வயது இளைஞர் ஒருவர் தவறான பக்கம் ரயிலில் இருந்து இறங்க முயற்சித்தபோது, இரும்பு வேலியில் சிக்கி உயிரிழந்தார். ஜோகேஸ்வரியில் வசித்து வந்த திலா ராஜேஷ் ஹமீரா என்ற இளைஞர், காலை 10 மணியளவில், மும்பை சென்ட்ரல் ரயில் நிலையத்தில் உள்ள நம்பர் 4 பிளாட்பாமுக்கருகே, வேக ரயில்கள் செல்லும் பாதைக்கும், புறநகர் தவிர்க்கும் பாதைக்கும் இடையே உள்ள இரும்பு வேலியில் சிக்கி, கழுத்தை நெரித்த நிலையில் உயிரிழந்த நிலையில் கண்டுபிடிக்கப்பட்டார்.

பிளாட்பாமில் இல்லாத பக்கத்தில் இருந்து ரயிலில் இறங்க முயற்சித்தபோது, அவர் கழுத்து இரும்பு கூர்மையான வேலியில் சிக்கியது. இதனால் ஏற்பட்ட கடுமையான காயங்களால் சம்பவ இடத்திலேயே உயிரிழந்ததாக கூறப்படுகிறது. ரயில்வே போலீசார் மற்றும் நிலைய அதிகாரிகள் உடனடியாக அங்கு வந்து, 108 ஆம்புலன்ஸ் மூலம் உடலை நயர் மருத்துவமனைக்கு அனுப்பினர். மருத்துவமனைக்கு வரும் முன்னே அவர் இறந்து விட்டதாக டாக்டர்கள் உறுதி செய்தனர்.

இந்நிலையில், ஹமீரா ஏன் பிளாட்பாமில் இல்லாத பக்கம் இறங்க முயற்சித்தார் என்பதை விளக்க போலீசார் விசாரணை மேற்கொண்டு வருகின்றனர். வாலிபர்  உடலுக்கு போஸ்ட் மார்டம் நடைபெற்று வருவதால் முழுமையான விபரங்கள் பின்னர் வெளியாகும் என்று கூறப்பட்டுள்ளது. மேற்கத்திய ரயில்வே அதிகாரிகள் பயணிகள் அனைவரும் பாதுகாப்பு விதிகளை கடைபிடிக்க வேண்டும் என்றும், ஓடும் ரயில்களில் இருந்து தவறான பக்கம் இறங்கும் முயற்சி பேரழிவை ஏற்படுத்தும் எனவும் தீவிர அறிவுறுத்தல் வழங்கியுள்ளனர்.