வம்சி இயக்கத்தில் தளபதி விஜய் நடிப்பில் உருவாகியுள்ள “வாரிசு” படம் தமிழ், தெலுங்கு ஆகிய மொழிகளில் நேரடியாக வெளியாக இருக்கிறது. இந்த படத்தில் விஜய்க்கு ஜோடியாக நடிகை ராஷ்மிகா மந்தனா நடிக்க, பிரகாஷ்ராஜ், சரத்குமார், குஷ்பூ, ஷாம், யோகிபாபு உட்பட பலர் முக்கியமான கதாபாத்திரத்தில் நடித்திருக்கின்றனர்.

இத்திரைப்படத்தின் பாடல்கள் மற்றும் டிரைலர் அண்மையில் வெளியாகி கவனம் ஈர்த்தது. இப்படம் ஜனவரி 11ம் தேதி (நாளை) திரையரங்குகளில் வெளியாக உள்ளது. இந்நிலையில் வாரிசு படத்தின் தெலுங்கு மொழி ரிலீஸ் தேதியை தயாரிப்பாளர் தில் ராஜூ அறிவித்து உள்ளார். அதாவது, இப்படம் தெலுங்கில் வரும் 14-ம் தேதி வெளியாகும் என்று தெரிவிக்கப்பட்டுள்ளது.