தமிழ் சினிமாவில் மாநகரம் என்ற திரைப்படத்தின் மூலம் இயக்குனராக அறிமுகமானவர் லோகேஷ் கனகராஜ். இந்த படத்திற்குப் பிறகு லோகேஷ் இயக்கிய கைதி திரைப்படம் சூப்பர் ஹிட் ஆனது. இந்த படத்தை தொடர்ந்து லோகேஷ் இயக்கிய மாஸ்டர் மற்றும் விக்ரம் போன்ற திரைப்படங்கள் சூப்பர் ஹிட் ஆனது. அதன்பிறகு லோகேஷ் தற்போது தளபதி 67 திரைப்படத்தை இயக்க இருக்கிறார். இந்த படத்தின் பூஜை அண்மையில் எளிமையாக நடைபெற்றது.

இந்த படத்தில் திரிஷா கதாநாயகியாக நடிக்க இருப்பதாக கூறப்படும் நிலையில், அர்ஜுன், கௌதம் மேனன் போன்றோர் வில்லனாக நடிக்கிறார்கள். தளபதி 67 திரைப்படத்தில் விஜய் 50 வயது கேங்ஸ்டராக நடிக்கப்போவதாக கூறப்படும் நிலையில், பாடல் காட்சிகள், காதல் காட்சிகள், எதுவும் இருக்காது என்று கூறப்படுவதால் தளபதி 67 திரைப்படத்தின் மீதான எதிர்பார்ப்பு அதிகரித்துள்ளது. இந்நிலையில் லோகேஷ் இயக்கிய விக்ரம் திரைப்படத்தில் நடிகர் சூர்யா ரோலக்ஸ் கதாபாத்திரத்தில் நடித்திருந்த நிலையில், ரசிகர்கள் மத்தியில் அந்த கதாபாத்திரத்திற்கு நல்ல வரவேற்பு கிடைத்தது.

இந்த நிலையில் தளபதி 67 படம் குறித்த ஒரு ட்வீட் பதிவுக்கு நடிகர் சூர்யா லைக் செய்துள்ளார். ஆனால் அதன் பின் அந்த லைக்கை நடிகர் சூர்யா எடுத்துவிட்டு இருக்கிறார். இதனால் நடிகர் சூர்யா தளபதி 67 திரைப்படத்தில் நடிப்பாரா என்ற எதிர்பார்ப்பு தற்போது எழுந்துள்ளது. மேலும் தளபதி 67 திரைப்படம் குறித்த அதிகாரப்பூர்வ தகவல் வெளியான பிறகு தான் படத்தில் யார் யார் நடிப்பார்கள் என்ற விவரம் தெரிய வரும்.