ஒலிம்பிக் இறுதிப் போட்டிக்கு முதல் இந்திய பெண் வீரராகத் தகுதி பெற்ற வினேஷ் போகட்டின் சாதனை நாடு முழுவதும் கொண்டாடபட்டது ஆனால் அவர் எடை அதிகமாக இருந்ததால் தகுதி நீக்கம் செய்யப்பட்ட செய்தி அதிர்ச்சியை ஏற்படுத்தியுள்ளது.
இந்த சூழலில் நடிகை மற்றும் அரசியல்வாதி கங்கனா ரணாவத் தனது தனித்துவமான கருத்தைக் கூறியுள்ளார். வினேஷ் போகட் பிரதமர் நரேந்திர மோடிக்கு எதிராக போராட்டத்தில் கலந்து கொண்ட போதிலும், அவருக்கு ஒலிம்பிக்கில் பங்கேற்க வாய்ப்பு வழங்கப்பட்டதாகவும், சிறந்த பயிற்சி, பயிற்சியாளர்கள் மற்றும் வசதிகள் வழங்கப்பட்டதாகவும் கங்கனா கூறியுள்ளார். இது ஜனநாயகத்தின் அழகு மற்றும் சிறந்த தலைமையின் சான்று என்றும் அவர் குறிப்பிட்டுள்ளார்.
வினேஷ் போகட் இறுதிப் போட்டிக்கு முந்தைய நாளே இந்த கருத்தை கங்கனா பதிவிட்டுள்ளார். இந்த நிலையில், வினேஷ் போகட் இறுதிப் போட்டியில் எடை அதிகமாக இருந்ததால் தகுதி நீக்கம் செய்யப்பட்ட செய்தி அதிர்ச்சியை ஏற்படுத்தியுள்ளது. உலக சாம்பியனை வீழ்த்தி இறுதிப் போட்டிக்கு முன்னேறிய வினேஷ் போகட்டின் இந்த தோல்வி இந்திய மக்களுக்கு பெரும் ஏமாற்றத்தை அளித்துள்ளது.
இந்த சூழலில், கங்கனாவின் கருத்து சர்ச்சையை ஏற்படுத்தியுள்ளது. பலரும் அவரது கருத்தை கண்டித்து வருகின்றனர்.
