இந்தியா-பாகிஸ்தான் இடையே நீர்பங்கீட்டைக் கொண்டு நிலவும் பதற்றமான சூழலில், சீனா புதிய பரபரப்பை ஏற்படுத்தும் வகையில் தலையீடு செய்துள்ளது. பீஜிங்கை தலைமையிடமாகக் கொண்ட “Center for China and Globalization” அமைப்பின் துணைத் தலைவர் விக்டர் ஜிகாய் காவ், இந்தியா பாகிஸ்தானுக்கு செல்லும் நீரை நிறுத்தினால், அதேபோல் சீனாவும் பிரம்மபுத்திரா ஆற்றின் நீரை இந்தியாவுக்கு நிறுத்த வாய்ப்பு உள்ளதாக கடுமையான எச்சரிக்கையை விடுத்துள்ளார். “நீங்கள் மற்றவர்களுக்கு செய்யக் கூடாது என்று நினைப்பதை, அவர்களும் உங்களிடம் செய்யக்கூடாது என்று எண்ணிக்கொள்” என்றதாக அவர் சுட்டிக்காட்டினார்.

கடந்த ஏப்ரல் 22ஆம் தேதி ஜம்மு காஷ்மீர் பகுதியின் பஹல்காம் பகுதியில் நடந்த பயங்கரவாத தாக்குதலுக்கு எதிராக, இந்திய அரசு இந்தியா-பாகிஸ்தான் இடையிலான 1960 ஆம் ஆண்டு கைசேர்ந்த சிந்து நீர் ஒப்பந்தத்தை ரத்து செய்ததற்கு பிறகு உருவான பதற்ற சூழலின் பின்னணியில் வெளியாகியுள்ளது. இந்த ஒப்பந்தம், சிந்து ஆற்றின் கிளைநதிகள் (பீயாஸ், ரவி, சட்லெஜ், ஜெலமு, சினாப், இந்தஸ்) ஆகியவற்றின் நீர்வழித்தலை இந்தியா மற்றும் பாகிஸ்தான் இடையே பகிர்ந்தளிப்பதை உறுதிப்படுத்தியது.

அதேசமயம், சீனாவின் பிரம்மபுத்திரா ஆற்றின் மேல்நிலை நீர்வழிச்சாரம் பற்றிய தரவுகளை 2022 ஆம் ஆண்டிற்கு பிறகு இந்தியாவுடன் பகிர மறுத்துவிட்டது என்பது குறிப்பிடத்தக்கது. இதன் காரணமாக, மேற்கு வங்கம் மற்றும் வடகிழக்கு மாநிலங்களில் கடும் நீர்நிலை பாதிப்புகளுக்கு இந்தியா எப்போது எதிர்நோக்க வேண்டிய நிலை வந்தாலும், முன் எச்சரிக்கைகள் கிடைக்க வாய்ப்பு குறைந்துவிட்டது. மேலும், 2025 ஜனவரி 6ஆம் தேதி சீனா பிரம்மபுத்திராவில் உலகின் மிகப்பெரிய ஹைட்ரோபவர் திட்டத்தை (₹11.9 லட்சம் கோடி மதிப்பில்) அமைப்பதாக அறிவித்தது, இது இந்திய எல்லையை ஒட்டிய பகுதியிலேயே திட்டமிடப்பட்டுள்ளது.

இந்த நிகழ்வுகள் அனைத்தும், சீனா-பாகிஸ்தான் ஒற்றுமையை வலுப்படுத்தும் வகையிலும், இந்தியாவின் நீர்த் பாதுகாப்பை சந்தேகத்துக்குள்ளாக்கும் வகையிலும் அமைந்துள்ளன. பிரம்மபுத்திரா ஆற்றின் வாயிலாக இந்தியா தனது மொத்த குடிநீரின் 33% மற்றும் மின் உற்பத்தியின் 40% பெறுகிறது. இத்தகைய ஆற்றின் மேல்நிலை நாடான சீனா, அதன் மீதான கட்டுப்பாட்டை இந்தியா மீது அழுத்தமாக பயன்படுத்தும் எண்ணத்தில் இருப்பது தற்போது தெளிவாகி வருகிறது.