சர்வதேச அரசியலில் பெரும் திருப்பத்தை ஏற்படுத்தும் வகையில், பாகிஸ்தான், துருக்கி மற்றும் சவூதி அரேபியா ஆகிய மூன்று நாடுகளுக்கு இடையே ஒரு புதிய மற்றும் பலமான கூட்டுப் பாதுகாப்பு ஒப்பந்தம் அதிகாரப்பூர்வமாகக் கையெழுத்தாகியுள்ளது. இந்த ஒப்பந்தத்தின்படி, மேற்கண்ட இந்த மூன்று நாடுகளில் ஏதேனும் ஒரு நாட்டின் மீது வெளியிலிருந்து எதிரிகள் தாக்குதல் தொடுத்தால், அது ஒட்டுமொத்த மூன்று நாடுகளின் மீதான நேரடித் தாக்குதலாகக் கருதப்பட்டு மூன்று நாடுகளும் இணைந்து கூட்டுப் பதிலடி கொடுக்கும் என அறிவிக்கப்பட்டுள்ளது.
உலகப் புகழ்பெற்ற நாடோ பாதுகாப்பு அமைப்பின் செயல்பாட்டு முறையைப் பின்பற்றி இந்த புதிய ஒப்பந்தம் வடிவமைக்கப்பட்டுள்ளது குறிப்பிடத்தக்கது. இதன் மூலம், பிராந்திய அளவில் எந்தவொரு பாதுகாப்புச் சிக்கலையும் எதிர்கொள்ள இந்த மூன்று நாடுகளும் ராணுவ ரீதியாக ஒன்றிணைந்து செயல்பட வழிவகை செய்யப்பட்டுள்ளதுடன், சர்வதேச நாடுகளின் மத்தியிலும் இது குறித்தான எதிர்பார்ப்புகளையும் விவாதங்களையும் அதிகப்படுத்தியுள்ளது.
குறிப்பாக, பாகிஸ்தானுக்கும் அதன் நட்பு நாடுகளுக்கும் இடையேயான இந்த வியூகப் பாதுகாப்புக் கூட்டு ஒப்பந்தம் மத்திய கிழக்கு மற்றும் தெற்காசிய அரசியல் களத்தில் மிக முக்கிய நகርவாகப் பார்க்கப்படுகிறது. ஒரே பலத்துடன் மூன்று நாடுகளும் கை கோர்த்துள்ள இந்த அதிரடி நடவடிக்கை உலக நாடுகளின் கவனத்தை ஈர்த்துள்ளதுடன், சமூக வலைதளங்களிலும் பெரும் வைரலாகி வருகிறது.
