விராட் கோலி மற்றும் இங்கிலாந்து வீரர் ஜோர்டான் காக்ஸ் ஆகியோர் சந்தித்துக்கொண்டபோது, அவர்களின் அனுமதியின்றி எடுக்கப்பட்ட புகைப்படம் சமூக வலைதளங்களில் பகிரப்பட்டது பெரும் சர்ச்சையை ஏற்படுத்தியுள்ளது.

நியூசிலாந்துக்கு எதிரான டெஸ்ட் போட்டிக்கு முன்னதாக, லண்டனில் இருவரும் தனிப்பட்ட முறையில் சந்தித்துப் பேசியபோது, யாரோ ஒருவர் பின்தொடர்ந்து இவர்களின் புகைப்படத்தை எடுத்து இணையத்தில் பதிவேற்றியுள்ளனர்.

இதைப் பற்றிக் குறிப்பிட்ட காக்ஸ், கோலி எப்போதும் மக்களின் கவனத்தில் இருப்பதாலும், தனிப்பட்ட சுதந்திரம் பறிக்கப்படுவதாலும் மிகுந்த சிரமப்படுகிறார் என்று வருத்தத்துடன் தெரிவித்துள்ளார்.

மேலும், ஐபிஎல் தொடரின் போது கோலி தனக்கு அளித்த வழிகாட்டல்களைப் பாராட்டிய காக்ஸ், இவ்வளவு பெரிய சாதனையாளர் மற்றவர்களுக்கு முன்னுரிமை அளித்து உதவுவது மிகவும் அரிதான பண்பு என்றும் நெகிழ்ச்சியுடன் கூறியுள்ளார்.

காயம் காரணமாக ஆப்கானிஸ்தான் தொடரில் பங்கேற்காத விராட் கோலி, தற்போது மீண்டும் முழு உடல் தகுதியுடன் இந்திய ஒருநாள் கிரிக்கெட் அணியில் இணைந்துள்ளார். ஐபிஎல் 2026 இறுதிப் போட்டியில் ஏற்பட்ட தசைப்பிடிப்பு காயம் காரணமாக ஓய்வில் இருந்த கோலி, இங்கிலாந்துக்கு எதிரான மூன்று போட்டிகள் கொண்ட ஒருநாள் தொடருக்காகச் சுப்மன் கில் தலைமையிலான அணியில் மீண்டும் சேர்க்கப்பட்டுள்ளார்.

“>

 

2027-ம் ஆண்டு நடைபெறவுள்ள ஒருநாள் உலகக் கோப்பைத் தொடருக்கான தயாரிப்பில், கோலியின் இந்தத் திரும்ப வருகை இந்திய அணிக்கு மிகப்பெரிய பலமாக இருக்கும் என்று எதிர்பார்க்கப்படுகிறது. டெஸ்ட் மற்றும் டி20 கிரிக்கெட்டில் இருந்து ஓய்வு பெற்றுவிட்டதால், ஒருநாள் போட்டிகளில் மட்டுமே கவனம் செலுத்தும் கோலியின் இந்த வருகை இந்திய ரசிகர்களிடையே மிகுந்த எதிர்பார்ப்பை ஏற்படுத்தியுள்ளது.