இந்தியாவின் புகழ்பெற்ற பாரம்பரிய சின்னமான தாஜ்மகாலின் பின்னே யமுனை நதிக்கரையில் குவிந்து கிடக்கும் குப்பைகளை வெளிச்சத்திற்கு கொண்டு வந்த போலந்து நாட்டைச் சேர்ந்த பயணியொருவரின் வீடியோ தற்போது சமூக வலைதளங்களில் பரபரப்பை ஏற்படுத்தியுள்ளது.
இவ்வீடியோவை தனது இன்ஸ்டாகிராம் பக்கத்தில் பயனர் கடந்த ஜூன் 30ஆம் தேதி பதிவிட்டுள்ளார். இதில், தாஜ்மகாலின் பின்புறம் நதிக்கரை அருகே பயணியொருவர் நடந்துசென்று, அங்கு குவிந்து கிடக்கும் பிளாஸ்டிக் கழிவுகள், கழிவுப் பொருட்கள் உள்ளிட்ட குப்பைகளை காட்டுகிறார். இதேபோல், “The real India”, “It stinks worse than in Chennai” என விரோதகரமான வாசகங்களும் வீடியோவில் இடம்பெற்றுள்ளன.
View this post on Instagram
“இந்தியாவை இழிவுப்படுத்தலாகாது” – விளக்கமளித்த பயணி
இந்நிலையில், வீடியோவுடன் சேர்த்து பதிவிட்ட குறிப்பு, “இந்த வீடியோவின் நோக்கம் தாஜ்மகாலின் பின்புறத்தைப் பொதுமக்களுக்கு காட்டுவதற்காக மட்டுமே. இந்தியா என்பது ஒரு அற்புதமான நாடு. எங்களால் இந்நாட்டை வெறுக்க முடியாது. எங்களால் மிகவும் விரும்பப்படும் நாடு இது.
பல சுத்தமான இடங்களும், அழகான பகுதிகளும் இந்தியாவில் உள்ளன. விரைவில் மீண்டும் இந்தியா வருவதற்கு திட்டமிட்டு உள்ளோம். இந்தியாவின் அழகான பக்கங்களைத் தான் அடுத்த வீடியோக்களில் வெளியிட உள்ளோம் ” என தெரிவிக்கப்பட்டுள்ளது.
இணையத்தில் பிரிவுபட்ட கருத்துகள்
இந்த வீடியோ விரைவில் வைரலாகி உலகம் முழுவதும் பல விமர்சனங்களை எழுப்பியுள்ளது. சிலர் இந்த வீடியோ இந்தியாவின் உண்மையான நிலையை காட்டுகிறது என பாராட்டியுள்ளனர்.
“நல்லதொரு உண்மையை வெளிச்சத்திற்கு கொண்டு வந்தீர்கள்” என ஒருவர் குறிப்பிட்டார். மற்றொருவர், “இந்தியாவின் மிகப்பெரிய சுற்றுலா ஸ்பாட்டின் பின்புறம் கூட இந்த அளவுக்கு குப்பை? அது நம் நாடு மீது நமக்கே மரியாதை இல்லாததைக் காட்டுகிறது” என விமர்சித்துள்ளார்.
இந்தியாவை பாதுகாத்து பேசும் நெட்டிசன்கள்
மறுபுறம், பலர் இந்த வீடியோவின் நோக்கம் சந்தேகத்துக்கிடமானது என்றும், இது இந்தியா மீதான தவறான கண்ணோட்டங்களை உருவாக்கக்கூடியதாக இருப்பதாகவும் கூறியுள்ளனர்.
“இந்தியா என்பது சுத்தம் இல்லாத நாடு என்று மட்டும் சொல்ல முடியாது. நம் கலாச்சாரம், ஆன்மிகமும் தான் உண்மையான இந்தியா.”
“நீங்கள் சுற்றுலா பகுதிக்கு வெளியே சென்று குப்பைகள் அதிகமா இருக்கிறது என்று ஆச்சரியப்படுகிறீர்கள். அது சரியான அணுகுமுறைதான் தெரியலையே!” என சிலர் கேள்வி எழுப்பியுள்ளனர்.
மனநிறைவுடனான விமர்சனமும் பதிவு
மற்றொருவர் விவாதத்தை பொறுத்து, “நான் ஐரோப்பாவின் பல இடங்களுக்கு பயணம் செய்துள்ளேன். ஆனால் இந்திய கட்டிடக்கலைக்கும் அதன் ஆன்மீகப் பிணைப்பு மற்றும் மிகைப்படுத்தப்பட்ட அழகுக்கும் ஈடு இணையில்லை. ஆனால் நாம் அதைப் பாதுகாக்க தவறுகிறோம். வெளிநாட்டு பயணிகள் நம்மைவிட அதிக மரியாதையுடன் பார்க்கின்றனர் என்றால் அது நமக்கே எச்சரிக்கை!” என உருக்கமான பதிவொன்றையும் பகிர்ந்துள்ளார்.
இந்த சம்பவம், சுற்றுலாத் தலங்களின் சுகாதார நிலையை மேம்படுத்தும் தேவை, தேசிய மரியாதையின் பிரதிபலிப்பு, வெளிநாட்டு பார்வையாளர்களால் ஏற்படும் தாக்கம் போன்ற விவாதங்களை மீண்டும் எழுப்பியுள்ளது.
