IND vs ENG, 4வது டெஸ்ட் : பும்ரா விடுவிப்பு…. கேஎல் ராகுல் விலகல்…. மீண்டும் டீம் இந்தியாவில் இணைந்த முகேஷ் குமார்.!!

இங்கிலாந்துக்கு எதிரான 4வது டெஸ்ட் போட்டிக்கான அணியில் இருந்து ஜஸ்பிரித் பும்ரா விடுவிக்கப்பட்டார்.

பிசிசிஐ (இந்திய கிரிக்கெட் கட்டுப்பாட்டு வாரியம்) செவ்வாயன்று, வேகப்பந்து வீச்சாளர் ஜஸ்பிரித் பும்ரா ராஞ்சி டெஸ்டில் பங்கேற்க மாட்டார் என்பதால் அவரை விடுவிப்பதாக அறிவித்தது. மறுபுறம், மிடில் ஆர்டர் பேட்டர் கேஎல் ராகுல் உடல்தகுதி காரணமாக தொடர்ந்து நீக்கப்பட்டார். இரண்டாவது டெஸ்டுக்குப் பிறகு தனது அணிக்காக (பெங்கால்) ரஞ்சி ஆட்டத்திற்காக விடுவிக்கப்பட்ட சீமர் முகேஷ் குமார், மீண்டும் அணிக்கு திரும்புகிறார்.

பணிச்சுமை நிர்வாகத்தின் ஒரு பகுதியாக, விசாகப்பட்டினத்தில் நடந்த இரண்டாவது டெஸ்டில் இருந்து முகமது சிராஜுக்கு இந்தியா ஓய்வு அளித்தது. பின் ஞாயிற்றுக்கிழமை ராஜ்கோட்டில் இங்கிலாந்துக்கு எதிரான 3வது டெஸ்டில் இந்தியாவின் சாதனை 434 ரன்கள் வெற்றியில் பங்கு வகிக்க திரும்பினார் முகமது சிராஜ்.

இதுகுறித்து பிசிசிஐ வெளியிட்டுள்ள அறிக்கையில், ராஞ்சியில் இங்கிலாந்துக்கு எதிரான 4வது ஐடிஎஃப்சி ஃபர்ஸ்ட் பேங்க் டெஸ்ட் போட்டிக்கான அணியில் இருந்து ஜஸ்பிரித் பும்ரா விடுவிக்கப்பட்டுள்ளார். சமீப காலங்களில் அவர் விளையாடிய தொடரின் காலம் மற்றும் கிரிக்கெட்டின் அளவைக் கருத்தில் கொண்டு இந்த முடிவு எடுக்கப்பட்டுள்ளது.

இதனிடையே, 4வது டெஸ்டில் கே.எல்.ராகுல் நீக்கப்பட்டுள்ளார். தர்மசாலாவில் நடைபெறும் இறுதி டெஸ்ட் போட்டியில் அவர் பங்கேற்பது உடற்தகுதிக்கு உட்பட்டது. ராஜ்கோட்டில் நடைபெறும் மூன்றாவது டெஸ்ட் போட்டிக்கான அணியில் இருந்து விடுவிக்கப்பட்ட முகேஷ் குமார் ராஞ்சியில் அணியில் இணைந்துள்ளார்.

4வது டெஸ்ட் போட்டிக்கான மேம்படுத்தப்பட்ட இந்திய அணி:

ரோஹித் சர்மா (கே), யஷஸ்வி ஜெய்ஸ்வால், சுப்மன் கில், ரஜத் படிதார், சர்ஃபராஸ் கான், துருவ் ஜூரல் (வி.கீ), கேஎஸ் பாரத் (வி.கீ), தேவ்தத் பாடிக்கல், ஆர் அஷ்வின், ரவீந்திர ஜடேஜா, அக்சர் படேல், வாஷிங்டன் சுந்தர், குல்தீப் யாதவ், முகமது. சிராஜ், முகேஷ் குமார், ஆகாஷ் தீப்.

– Jasprit Bumrah released from the 4th Test.

– KL Rahul ruled out of the 4th Test.

– Mukesh Kumar joined the Indian team for the 4th Test. pic.twitter.com/nuHevRrkIs

— Johns. (@CricCrazyJohns) February 20, 2024

🚨 NEWS 🚨

Jasprit Bumrah released from squad for 4th Test.

Details 🔽 #TeamIndia | #INDvENG | @IDFCFIRSTBank https://t.co/0rjEtHJ3rH pic.twitter.com/C5PcZLHhkY

— BCCI (@BCCI) February 20, 2024