பிரேசில் நாட்டைச் சேர்ந்த வளர்ந்து வரும் பாடிபில்டிங் நட்சத்திரமான மத்தேயூஸ் பாவ்லக், வெறும் 19 வயதிலேயே மாரடைப்பால் உயிரிழந்துள்ளார். 5 ஆண்டுகளுக்கு முன்னர் உடல் பருமனானவர்கள் எடை குறைக்கும் போட்டியில் பங்கேற்ற அவருக்கு, பாடி பில்டிங் மீது ஆர்வம் ஏற்பட்டது. தொடர்ச்சியான பயிற்சிகள் மற்றும் சரியான உணவு முறையின் மூலம் அவர் தனது உடலை அசாதாரணமாக மாற்றியிருந்தார். தனது உடல் மாற்றத்தை இன்ஸ்டாகிராமில் பகிர்ந்து வந்த மத்தேயூஸ், இளம் வயதிலேயே பெரும் புகழ் ஈட்டியிருந்தார்
.
ஆனால், அவரது அசாதாரண உடல் வாகு பல கேள்விகளை எழுப்பியது. ஊக்கமருந்துகளை பயன்படுத்தியதாக கூறப்பட்டாலும், அதற்கான உறுதியான தகவல்கள் இல்லை. இருப்பினும், இவ்வளவு இளம் வயதில் மாரடைப்பு ஏற்பட்டது, ஊக்கமருந்துகளின் தீமைகளை மீண்டும் ஒருமுறை எடுத்துக்காட்டுகிறது.

மத்தேயூஸின் மரணம், இளம் வயதில் உடல் வாகு பெற ஆசைப்படும் இளைஞர்களுக்கு ஒரு எச்சரிக்கையாக அமைந்துள்ளது. உடல் ஆரோக்கியத்தை கருத்தில் கொள்ளாமல், குறுகிய காலத்தில் உடலை மாற்ற முயற்சிப்பது ஆபத்தானது என்பதை இச்சம்பவம் நிரூபிக்கிறது.