தமிழ் சினிமாவில் பிரபலமான இயக்குனராக இருப்பவர் சீனு ராமசாமி. இவர் தென்மேற்கு பருவக்காற்று, நீர்ப்பறவை, தர்மதுரை, கண்ணே கலைமானே, மாமனிதன் உள்ளிட்ட பல்வேறு படங்களை இயக்கி தனக்கென தனி அடையாளத்தை பதித்தவர். இந்நிலையில் தற்போது இவர் தன்னுடைய மனைவியை விவாகரத்து செய்து பிரிவதாக அறிவித்துள்ளார். இது தொடர்பாக அவர் வெளியிட்டுள்ள எக்ஸ் பதிவில், நானும் என்னுடைய மனைவி தர்ஷனாவும் எங்கள் 17 வருட திருமண வாழ்வில் இருந்து விடைபெறுகிறோம். இருவரும் விவாகரத்து பெற்று அவர் அவருக்கு உண்டான திசையில் பயணிக்கவும் அந்த பாதையில் தர்ஷனாவின் செயல்பாடுகள் என்னையும் எனது செயல்பாடுகள் அவரையும் எவ்விதத்திலும் சேராது பொறுப்பாகாது என்பதை நான் அறிவேன் அவரும் அறிவார்.

இப்பிரிவுக்கு உதவும்படி சென்னை உயர்நீதிமன்றத்தை நாடியுள்ளோம். இருவரின் இந்த தனிப்பட்ட முடிவுக்கும் அதன் உரிமைக்கும் மதிப்பளிக்கும் தங்களின் வாழ்த்துக்கள் எங்கள் ஊக்கம் என்று அவர் பதிவிட்டுள்ளார். மேலும் சமீப காலமாக தமிழ் சினிமாவில் பிரபலங்கள் பலரும் விவாகரத்து அறிவிப்பை வெளியிட்டு வரும் நிலையில் தற்போது இயக்குனர் சீனு ராமசாமியும் அவருடைய மனைவியை விவாகரத்து செய்வதாக அறிவித்துள்ளார். சமீபத்தில் கூட ஜிவி பிரகாஷ் குமார், ஜெயம் ரவி, இசையமைப்பாளர் ஏ ஆர் ரகுமான் உள்ளிட்டோர் விவாகரத்து செய்வதாக அறிவித்தனர் என்பது குறிப்பிடத்தக்கதாகும்.