2023 ஆசியக்கோப்பையில் சச்சின் சாதனையை முறியடிக்க ரோஹித்துக்கும், கோலிக்கும் வாய்ப்புள்ளது.

பாகிஸ்தான் மற்றும் இலங்கையில் நடக்கும் 2023 ஆசிய கோப்பை போட்டி நாளை தொடங்க உள்ளன. பாகிஸ்தான் மற்றும்  நேபாளம் இடையிலான முதல் போட்டி பாகிஸ்தானில் உள்ள முல்தான் மைதானத்தில் ஆகஸ்ட் 30ஆம் தேதி நடைபெறவுள்ளது. மேலும் இந்தியா தனது முதல் ஆட்டத்தில் செப்டம்பர் 2ஆம் தேதி பாகிஸ்தானை எதிர்கொள்கிறது. மேலும் இம்முறை ஆசிய கோப்பையை வெல்ல இந்திய அணி முழுமையாக தயாராகி வருகிறது. அதன் ஒரு பகுதியாக, யோயோ சோதனை மற்றும் உடற்தகுதி பயிற்சி என்சிஏவில் நடத்தப்பட்டது. மேலும், அணியில் உள்ள பல வீரர்களுக்கு இதுவே முதல் போட்டி என்பதால், தங்களின் திறமையை வெளிப்படுத்த ஆர்வமாக உள்ளனர்.

அதே சமயம் இந்திய அணி கேப்டன் ரோகித் சர்மாவும், முன்னாள் கேப்டன் விராட் கோலியும் சச்சின் டெண்டுல்கரின் சாதனையில் கவனம் செலுத்துவார்கள். செப்டம்பர் 2-ம் தேதி பாகிஸ்தானுக்கும், செப்டம்பர் 4-ம் தேதி நேபாளத்துக்கும் எதிராக ரன் மழை பொழிந்து சச்சினின் சாதனையை சமன் செய்ய போட்டி போடுகிறார்கள்.. அப்படியென்றால் சச்சின் பெயரில் உள்ள ரன்களின் சாதனை என்ன..?

1984-ம் ஆண்டு முதல் நடைபெற்று வரும் ஆசிய கோப்பை போட்டிகள் பெரும்பாலும் ஒருநாள் போட்டி முறையிலேயே நடத்தப்படுகிறது. இதுவரை 15 தொடர்கள் நடத்தப்பட்டுள்ளன, அதில் 2 முறை டி20 வடிவத்திலும், 13 முறை ஒருநாள் போட்டியிலும் போட்டிகள் நடத்தப்பட்டுள்ளன. ஆனால் ஆசிய கோப்பை ஒருநாள் போட்டியில் அதிக ரன்கள் குவித்த இந்திய வீரர் என்ற பட்டியலில் சச்சின் டெண்டுல்கர் முதலிடத்தில் உள்ளார். சச்சின் ஆசிய கோப்பையில் 23 ஒருநாள் போட்டிகளில் விளையாடி 2 சதம் மற்றும் 7 அரை சதங்களுடன் 971 ரன்கள் குவித்துள்ளார். சச்சின் டெண்டுல்கருக்குப் பிறகு, ரோஹித் ஷர்மா 1 சதம் மற்றும் 6 அரை சதங்களுடன் 745 ரன்களுடன் இந்திய அணிக்காக அதிக ரன் எடுத்த இரண்டாவது இடத்தில் உள்ளார். இந்த வரிசையில் ரோஹித் 22 ஒருநாள் போட்டிகளில் விளையாடினார். மேலும், 19 ஒருநாள் போட்டிகளில் விளையாடிய தோனி 648 ரன்களுடன் 3வது இடத்தில் உள்ளார். மேலும் ஆசிய கோப்பை வரலாற்றில் அதிக தனிநபர் ஸ்கோரை (183) பெற்ற விராட் கோலி நான்காவது இடத்தில் (613 ரன்கள்) உள்ளார்.