என்ஜினியரிங் நுழைவுத் தேர்வான ஜேஇஇ  தேர்வுக்குத் தீவிரமாகத் தயாராகி வந்த 17 வயது இளம்பெண் ஆதித்யா பன்சால், தனது ஓய்வு நேரத்தில் ஆன்லைன் மூலம் சம்பாதிக்கும் வழிகளைத் தேடி வந்துள்ளார். கிராபிக் டெசைனிங் மற்றும் வெப்சைட் டெவலப்மென்ட் போன்ற பல முயற்சிகளில் தோல்வியைச் சந்தித்த அவர், பிரபல தொழில்முனைவோரும் பாட்காஸ்டருமான ராஜ் ஷமானியின் வீடியோ ஒன்றை அடிப்படையாகக் கொண்டு ஒரு சுவாரஸ்யமான ட்விட்டர் த்ரெட் ஒன்றை நள்ளிரவில் தயாரித்து அவருக்குத் நேரடிச் செய்தி  அனுப்பியுள்ளார்.

இரவு 10:41 மணிக்கு அனுப்பப்பட்ட அந்தச் செய்திக்கு அதிகாலை 3:53 மணிக்கு பதிலளித்த ராஜ் ஷமானி, அந்தத் த்ரெட் நன்றாக இருந்தால் தனக்காக எழுத உன்னை நியமித்துக் கொள்கிறேன் என்று உறுதியளித்துள்ளார். அந்தப் பதிவுக்குக் கிடைத்த நல்ல வரவேற்பைத் தொடர்ந்து, எந்தவித முன்னனுபவமும் இல்லாத அந்த 17 வயது சிறுவனை ராஜ் ஷமானி தனது பணிக்காகத் தேர்ந்தெடுத்துள்ளார். தொடக்க காலத்தில் வங்கி கணக்கு இல்லாததால் அமேசான் கிஃப்ட் கார்டுகள் மூலம் தனது முதல் சம்பளத்தைப் பெற்ற ஆதித்யா, அந்த அனுபவம் தனக்கு  தன்னம்பிக்கையைத் தந்ததாகக் குறிப்பிட்டுள்ளார்.

ராஜ் ஷமானி வழங்கிய அந்த முதல் வாய்ப்பும், அதன் மூலம் கிடைத்த நற்சான்றிதழும்  ஆதித்யா பன்சாலுக்கு அடுத்தடுத்து பல புதிய கதவுகளைத் திறந்துவிட்டுள்ளது. இதன் மூலம் பல்வேறு தொழிலதிபர்களுடன் இணைந்து பணியாற்றிய அவர், தனது 22 வயதிற்குள் 1 கோடி ரூபாய்க்கும் அதிகமாகச் சம்பாதித்துச் சாதனை படைத்துள்ளார். ஒரு சரியான நேரத்துச் செய்தியும், முயற்சியும் எப்படி ஒருவரின் முழு வாழ்க்கைப் பாதையையும் மாற்றிவிடும் என்பதற்கு இந்தச் சம்பவம் தற்பொழுது சமூக வலைதளங்களில் பலரால் சிலிர்ப்புடன் பகிரப்பட்டு வருகிறது.